શ્રેયસ ઐયર કેકેઆર સાથે જોડાયો, સંપૂર્ણ ફિટનેસ મેળવી હોવાના સંકેત આપ્યા

Shreyas Aiyar/ શ્રેયસ ઐયર કેકેઆર સાથે જોડાયો, સંપૂર્ણ ફિટનેસ મેળવી હોવાના સંકેત આપ્યા

કોલકાતા નાઇટરાઇડર્સ (કેકેઆર)ની ટીમ સાથે શ્રેયસ ઐયર જોડાઈ ચૂક્યો છે. કેકેઆરની ટીમ બે વખત આઇપીએલટાઇટલ જીતી ચૂકી છે. કોલકાતાએ છેલ્લે ગૌતમ ગંભીરની આગેવાનીમાં આઇપીએલનું ટાઇટલ કબ્જે કર્યું હતું. ગઇ સીઝનમાં કેકેઆરનો કેપ્ટન શ્રેયસ ઐયર ઇજાના લીધે રમી શક્યો ન હતો.

કોલકાતાઃ કોલકાતા નાઇટરાઇડર્સ (કેકેઆર)ની ટીમ સાથે શ્રેયસ ઐયર જોડાઈ ચૂક્યો છે. કેકેઆરની ટીમ બે વખત આઇપીએલટાઇટલ જીતી ચૂકી છે. કોલકાતાએ છેલ્લે ગૌતમ ગંભીરની આગેવાનીમાં આઇપીએલનું ટાઇટલ કબ્જે કર્યું હતું. ગઇ સીઝનમાં કેકેઆરનો કેપ્ટન શ્રેયસ ઐયર ઇજાના લીધે રમી શક્યો ન હતો.

તેના પછી તેની પીઠનું ઓપરેશન થયું હતું. તે 2023ના વર્લ્ડ કપમાં ટીમ ઇન્ડિયા માટે રમ્યો હતો. ઐયરની ગેરહાજરીમાં નીતિશ રાણાએ કેપ્ટન્સીની જવાબદારી સંભાળી હતી. હવે ઐયર 2024ની આઇપીએલ માટે સંપૂર્ણ ફિટ છે અને કેકેઆરની ટીમ સાથે જોડાઈ ગયો છે.

કેકેઆરનો કેપ્ટન શ્રેયસ ઐયર આઇપીએલ પૂર્વેની પ્રેક્ટિસમાં ટીમ સાથે જોડાયો છે. આ પહેલા પીઠની તકલીફના લીધે તેનું રમવું શંકાસ્પદ માનવામાં આવતું હતું. કેકેઆરે સોશિયલ મીડિયા પર શ્રેયસ ઐયરના આગમનની તસ્વીરો જાહેર કરી છે. કેકેઆરે ઇન્સ્ટાગ્રામ પર તેનો વિડીયો પણ શેર કર્યો છે, જેના કેપ્શનમાં લખ્યું છે કે હમારે ટાઇગર કા હુકમ. ચાહકો ઐયરને આવકારતા જોવા મળે છે.