બોલિવૂડ અભિનેત્રી શ્રદ્ધા કપૂર (Shraddha Kapoor)ના ભાઈ સિદ્ધાંત કપૂરની બેંગ્લોર પોલીસે અટકાયત કરી છે. મીડિયા રિપોર્ટ્સ અનુસાર, શક્તિ કપૂર (Shakti Kapoor) ના પુત્ર પર પાર્ટીમાં ડ્રગ્સ (Drug) લેવાનો આરોપ છે. બેંગ્લોર પોલીસે એમજી રોડ સ્થિત હોટેલ પાર્કના પબમાં ચાલી રહેલી રેવ પાર્ટી પર દરોડો પાડ્યો હતો. અને હવે આ પાર્ટીનો વીડિયો સામે આવ્યો છે. વીડિયોમાં સિદ્ધાંત કપૂર (Siddhanth Kapoor) ડીજે (DJ)વાલે બાબુ તરીકે જોવા મળી રહ્યો છે. સામે આવેલા આ વીડિયોમાં તમે જોઈ શકો છો કે લોકો ડ્રગ્સના નશામાં ડાન્સ ફ્લોર પર ડાન્સ કરી રહ્યા છે.
જાણકારી માટે આપને જણાવી દઈએ કે આ પાર્ટીમાં સિદ્ધાંતને ડીજે બાબુ તરીકે બોલાવવામાં આવ્યો હતો.પાર્ટીમાં રહેલા સિદ્ધાંત સહિત 6 લોકો ડ્રગ્સ ટેસ્ટમાં પોઝિટિવ આવ્યા છે. બેંગ્લોર સિટી ઈસ્ટ ડિવિઝનના ડીસીપી ડૉ. ભીમાશંકરે કહ્યું કે આ મામલામાં હજુ સુધી એ સ્પષ્ટ નથી થયું કે આ બધા ડ્રગ્સ લઈને પાર્ટીમાં આવ્યા હતા કે પછી હોટેલમાં ડ્રગ્સ લેવામાં આવ્યું હતું. તમામ આરોપીઓને ઉલસુર પોલીસ સ્ટેશનમાં લાવવામાં આવ્યા છે.
પુત્ર પર લાગેલા આરોપ પર શક્તિ કપૂરે કહ્યું
ડ્રગ્સ કેસમાં પુત્ર સિદ્ધાંત કપૂરનું નામ આવવા પર શક્તિ કપૂરની પ્રતિક્રિયા પણ સામે આવી છે. પુત્રને પોલીસ કસ્ટડીમાં લેવાના સમાચાર પર શક્તિ કપૂરે કહ્યું- ‘હું માત્ર એક વાત કહી શકું છું, આ શક્ય નથી.’
ઉલ્લેખનીય છે કે, વર્ષ 2020માં અભિનેતા સુશાંત સિંહ રાજપૂતના આત્મહત્યા કેસની તપાસ દરમિયાન ડ્રગ કેસનો મુદ્દો સામે આવ્યો હતો. ડ્રગ્સ કેસમાં સિદ્ધાંત કપૂરની બહેન શ્રદ્ધા કપૂરનું નામ પણ ખેંચાયું હતું. NCB દ્વારા ડ્રગ્સ રાખવાના આરોપમાં તેની પૂછપરછ કરવામાં આવી હતી.
સિદ્ધાંત કપૂરે 1997માં આવેલી ફિલ્મ જુડવાથી પોતાના કરિયરની શરૂઆત કરી હતી. સિદ્ધાંતે અગલી, જજ્બા, હસીના પારકર, પલટન, હેલો ચાર્લી અને ચેહરે જેવી ફિલ્મોમાં કામ કર્યું છે. સિદ્ધાંત તાજેતરમાં રિલીઝ થયેલી સિરીઝ ભૌકાલમાં પણ જોવા મળ્યો હતો.
આ પણ વાંચો: ‘યે રાહુલ ગાંધી હૈ ઝુકેગા નહીં’, ED સમક્ષ હાજર થતા પહેલા કોંગ્રેસ નેતાઓનું પોસ્ટર વોર
આ પણ વાંચો:સ્ટેડિયમ ચોકીમાં દારૂની મહેફિલ માણતા ASI સહિત 4 લોકો ઝડપાયા
આ પણ વાંચો: સિદ્ધુ મૂસેવાલા હત્યાકાંડ : શૂટર સંતોષ જાધવની ગુજરાતમાંથી ધરપકડ
