સિડની,
સિડનીના ક્રિકેટ ગ્રાઉન્ડ ખાતે રમાયેલી ભારત અને ઓસ્ટ્રેલિયા વચ્ચેની પ્રથમ મેચમાં ભારતીય ટીમનો ૩૪ રને પરાજય થયો છે. ઓસ્ટ્રેલિયાએ આપેલા ૨૮૯ રનના ટાર્ગેટ સામે ભારતીય ટીમ ૨૫૪ રન જ બનાવી શકી હતી અને ૩૪ રને હારનો સ્વાદ ચાખ્યો હતો.
કાંગારું ટીમ દ્વારા અપાયેલા ૨૮૯ રનના ટાર્ગેટ સામે ભારતીય ટીમ મેદાને ઉતરવાની સાથે જ ભારર્તીય ઓપનર બેટ્સમેન શિખર ધવન ઇનિંગ્સના પહેલા બોલે જ આઉટ થયો હતો. જો કે આ સાથે જ ધવને એક ખાસ રેકોર્ડ પોતાના નામે કર્યો છે.
ટીમ ઇન્ડિયાના ગબ્બર તરીકે ઓળખાતા ધવને પોતાના વન-ડે કેરિયરમાં પ્રથમવાર ગોલ્ડન ડક એટલે કે મેચના પહેલા જ બોલ પર આઉટ થવાનો રેકોર્ડ પોતાના નામે કર્યો છે.
ભારતની ઇનિગ્સમાં ક્રિઝ પર ઉતરતાની સાથે જ પહેલા બોલ પર જેસન બેહરનડોર્ફનો શિકાર બન્યો હતો.
જો કે ધવન માટે પોતાના કેરિયરનો આ પ્રથમ ગોલ્ડન ડક હતો, પરંતુ આ પહેલા તે ત્રણવાર ખાતું ખોલાવ્યા વગર જ આઉટ થયો હતો, પરંતુ મેચના પહેલા બોલ પર આઉટ થયો ન હતો.