જામનગરમાંથી નકલી ચલણી નોટોનું કૌભાંડ સામે આવ્યું છે. જામનગર એલસીબી ટીમે શહેરના પટેલ કોલોની વિસ્તારમાંથી એક શખ્શને ઝડપી પાડ્યો છે. જામનગર જિલ્લા પોલીસ વડાએ પત્રકાર પરિષદ યોજી આ વિષે માહિતી આપી હતી.
પોલીસ વડાએ જણાવ્યું કે ધરપકડ કરાયેલા શખ્સ પાસેથી 65,500 રૂપિયાની નવી નકલી નોટો જપ્ત કરવામાં આવી છે. આરોપી પાસેથી રૂપિયા 2000ના દરની 32 અને 500ના દરની 7 જેટલી નકલી નોટ ઝડપી પાડવામાં આવી છે. આ ઉપરાંત પોલીસે આરોપી પાસેથી નકલી નોટો બનાવવાની સામગ્રી પણ ઝડપી લીધી છે.
જામનગરમાંથી ઝડપાયેલા આ આરોપી શખ્સ પાસેથી નકલી નોટ બનાવવાનું મશીન તેમજ એ માટેની સામગ્રી પણ ઝડપી પાડવામાં આવી છે. મળતી વિગતો મુજબ આરોપી આફ્રિકાનો છે, અને જામનગરની એક હોટલમાં મેનેજમેન્ટ સંભાળે છે.
