રાજયમાં દિવસે ને દિવસે આવા કેસો વધતા જોવા મળી રહ્યા છે . બળાત્કાર, અકસ્માત, લૂંટ, જેવા કેસો ગુજરાતમાં સત્તત વધતા જોવા મળી રહ્યા છે ત્યારે એક નવો કીસ્સી સુરતથી સામે આવ્યો છે જેમાં પાંડેસરાના વડોદ ગામમાંથી દિવાળીની રાત્રે અઢી વર્ષની બાળકી ગુમ પ્રકરણમાં મૃતદેહ મળી આવ્યા બાદ ફોરેન્સિક પોસ્ટમોર્ટમમાં બાળકી પર દુષ્કર્મ આચરાયું હોવાનું તબીબી સૂત્રો પાસેથી જાણવા મળ્યું છે. એટલું જ નહીં પણ સડી ગયેલી હાલતમાં મળી આવેલા મૃતદેહને લઈ હત્યાનું ચોક્કસ કારણ સામે ન આવતા વિશેરા લઈ લેબમાં મોકલવામાં આવ્યા છે.
આ પણ વાંચો ;ગુજરાત / રાજ્યમાં રહેણાંક સોસાયટી માટે નવી CCTV પોલિસી અમલી બનશે
દિવાળીની રાત્રે જ અઢી વર્ષની બાળકી ઘર આંગણેથી જ ગુમ થવાને લઈને પોલીસ દોડતી થઈ હતી. 100થી વધુ પોલીસ જવાનો છેલ્લા બે દિવસથી શોધખોળ કરી રહ્યા હતા. ગત રોજ વડોદ ગામમાં ઝાડીમાંથી બાળકીનો મૃતદેહ મળી આવ્યો હતો. જેથી પોલીસ અધિકારીઓનો કાફલો ઘટના સ્થળે પહોંચ્યો હતો અને અપહરણ અને હત્યાની દિશામાં વધુ તપાસ હાથ ધરી છે. આ સાથે બાળકીના મૃતદેહનું સિવિલ હોસ્પિટલમાં ફોરેન્સિક પોસ્ટમોર્ટમ હાથ ધરાયું હતું.
ફોરેન્સિક પીએમ રિપોર્ટમાં બાળકી પર દુષ્કર્મ આચરવામાં આવ્યું હોવાનો ઘટસ્ફોટ થતાં પોલીસ પણ ચોંકી ઉઠી છે. કોહવાયેલી ગયેલી હાલતમાં મળેલા મૃતદેહને વિશેરા લઈ લેબમાં મોકલવામાં આવ્યા છે. નરાધમ આરોપીની ધરપકડ કરવા ચક્રો ગતિમાન કરાયા હતા. અજાણ્યો નરાધમ આરોપી સીસીટીવી કેમેરામાં કેદ પણ થયો છે.
આ પણ વાંચો ;Recipe / ઘરે બનાવો કેળાની કચોરી, નોધીલો તેની રેસિપી…..
બાળકી જ્યાંથી ગુમ થઈ હતી ત્યાં આજુબાજુના સીસીટીવી પણ ચેક કરાયા હતા. PCB, DCB સહિતની ટીમો તહેવારો છોડી કામે લાગી હતી. 100થી વધુ પોલીસ જવાન દીકરીના ફોટો લઈ ગલી ગલીએ ફરી હતી. આ સાથે લોકોને પણ કોઈપણ પ્રકારની માહિતી મળે તો પોલીસ કે પોલીસ કન્ટ્રોલનો સંપર્ક કરે એવી વિનંતી કરવામાં આવી હતી.
