surendranagar News: સુરેન્દ્રનગર જિલ્લાના નાવયાણી ગામમાં આવેલી એક ખાનગી કંપનીની કેનટીનમાં ગંભીર બેદરકારી સામે આવી છે. કંપનીમાં કામ કરતા કામદારો માટે તૈયાર કરાયેલા ભોજનમાંથી અચાનક ગરોળી નીકળતા કામદારોમાં ભારે રોષ ફેલાયો છે. આ ઘટનામાં ત્રણ કામદારોની તબિયત લથડી ગઈ હોવાનું જાણવા મળ્યું છે.
surendranagar News: કેટલાક કામદારો બીમાર થઈ ગયા
પ્રાપ્ત માહિતી મુજબ, નાવયાણી ગામે આવેલી કંપનીમાં રોજની જેમ કામદારો કેનટીનમાં ભોજન કરી રહ્યા હતા. આ દરમિયાન ભોજનમાં અચાનક ગરોળી દેખાતા કામદારો ચોંકી ગયા હતા. કેટલાક કામદારોએ ભોજન કરી લીધા બાદ ગરોળી દેખાતા ઉલટી અને ચક્કર જેવી તકલીફ અનુભવી હતી, જેના કારણે તેમની તબિયત લથડી ગઈ હતી. તાત્કાલિક તેમને નજીકની આરોગ્ય કેન્દ્રમાં સારવાર માટે લઈ જવામાં આવ્યા હતા.
surendranagar News: કોન્ટ્રાક્ટરની ગંભીર બેદરકારી
આ ઘટના બાદ કામદારોએ કેનટીન સંચાલન અને કોન્ટ્રાક્ટરની ગંભીર બેદરકારી સામે કડક વિરોધ વ્યક્ત કર્યો છે. કામદારોએ કોન્ટ્રાક્ટરને આ બાબતે જાણ કરતા તેમને ઉડાવ જવાબ આપવામાં આવ્યો હતો, જેના કારણે કામદારોમાં વધુ રોષ જોવા મળ્યો છે. કામદારોનું કહેવું છે કે તેમની આરોગ્ય સાથે કોઈ સમાધાન ન થવું જોઈએ અને આવા ગંભીર કિસ્સામાં જવાબદાર લોકો સામે યોગ્ય પગલા લેવાં જરૂરી છે.
સ્થાનિક સૂત્રોના જણાવ્યા મુજબ, કંપનીની કેન્ટીનમાં સ્વચ્છતા અને ખોરાકની ગુણવત્તા અંગે અગાઉ પણ ફરિયાદો મળી હતી. પરંતુ આ ઘટના બાદ કંપનીના સંચાલન અને કોન્ટ્રાક્ટરની ભૂમિકા સામે ગંભીર પ્રશ્નો ઊભા થયા છે. કામદારોની માંગ છે કે કોન્ટ્રાક્ટર સામે કડક કાર્યવાહી કરવામાં આવે અને ભવિષ્યમાં આવી ઘટનાઓ ન બને તે માટે કેનટીનમાં સ્વચ્છતા અને ગુણવત્તા નિયંત્રણની યોગ્ય વ્યવસ્થા કરવામાં આવે.
surendranagar News: આરોગ્ય વિભાગ દ્વારા પણ કેનટીનનું નિરીક્ષણ
આ મામલે કંપનીના મેનેજમેન્ટ અને સ્થાનિક પ્રશાસન દ્વારા તપાસ શરૂ કરવામાં આવી હોવાની માહિતી મળી છે. આરોગ્ય વિભાગ દ્વારા પણ કેનટીનનું નિરીક્ષણ કરવાની શક્યતા વ્યક્ત કરવામાં આવી છે. નિષ્ણાતોનું કહેવું છે કે ખોરાકમાં આ પ્રકારની બેદરકારી ગંભીર આરોગ્ય જોખમ ઊભું કરી શકે છે અને નિયમોનું કડક પાલન જરૂરી છે.
આ ઘટના કામદારોના આરોગ્ય અને સુરક્ષા માટે ચેતવણીરૂપ છે અને કંપનીઓએ ખોરાકની ગુણવત્તા અને સ્વચ્છતા બાબતે કોઈપણ પ્રકારની બેદરકારી ન રાખવી જોઈએ.
આ પણ વાંચો:લગ્ન નોંધણી સુધારા બિલ પર હેમંત ખવાનું નિવેદન, દીકરીઓની સુરક્ષા માટે કાયદો જરૂરી
આ પણ વાંચો:ગુજરાતની સરકારી યુનિવર્સિટીઓમાં ભરતી નિયમોમાં ફેરફાર, ફિક્સ પગાર પરની સેવા હવે અનુભવ પર માન્ય ગણાશે
