લોકસભા ચૂંટણી 2024માં ભાજપ સહિત વિવિધ પક્ષોને કેટલી બેઠકો મળશે તે અંગે અનેક અટકળો ચાલી રહી છે.આ દરમિયાન ઓપિનિયન પોલની શ્રેણી પણ શરૂ થઈ ગઈ છે. મંગળવારે વધુ એક ઓપિનિયન પોલ સામે આવ્યો છે, જેમાં આગામી સામાન્ય ચૂંટણીમાં ભાજપને કેટલી બેઠકો મળશે તેનો અંદાજ લગાવવામાં આવ્યો છે. ઈન્ડિયા ટીવી-સીએનએક્સ ઓપિનિયન પોલ અનુસાર, જો હવે ચૂંટણી યોજાય તો પીએમ મોદીના નેતૃત્વમાં એનડીએ ગઠબંધનને 543માંથી 378 બેઠકો મળશે. ભાજપની જ વાત કરીએ તો ઓપિનિયન પોલમાં તેને 335 સીટો આપવામાં આવી છે. આ હિસાબે 2019ની સરખામણીમાં ભાજપને 32 બેઠકોનો ફાયદો થઈ રહ્યો છે.
ઈન્ડિયા ટીવી-સીએનએક્સ ઓપિનિયન પોલમાં ઈન્ડિયા એલાયન્સને 98 સીટો મળવાની આગાહી કરવામાં આવી છે. TMC સીટો આમાં સામેલ નથી. TMC, YSRCP, TDP, BJD અને અપક્ષો સહિત અન્યને 67 બેઠકો મળવાનો અંદાજ છે. ઈન્ડિયા ટીવી અનુસાર, 5 થી 23 ફેબ્રુઆરી વચ્ચે આ ઓપિનિયન પોલ માટે 1,62,900 લોકો પાસેથી મંતવ્યો લેવામાં આવ્યા હતા. જેમાં 84,350 પુરૂષો અને 78,550 મહિલાઓ હતી.
ઓપિનિયન પોલ અનુસાર ભાજપ પોતાના દમ પર 335 સીટો જીતી શકે છે. ઉલ્લેખનીય છે કે છેલ્લા કેટલાક દિવસોથી ભાજપ 370 સીટો જીતવાનો દાવો કરી રહી છે. જો રાજ્ય મુજબના આંકડાઓની વાત કરીએ તો ભાજપ ગુજરાતમાં તમામ 26 બેઠકો, મધ્યપ્રદેશની તમામ 29 બેઠકો, રાજસ્થાનની તમામ 25 બેઠકો, હરિયાણાની તમામ 10 બેઠકો, દિલ્હીની તમામ 7 બેઠકો, ઉત્તરાખંડની તમામ 5 બેઠકો પર જીત મેળવવા જઈ રહી છે. અને હિમાચલની તમામ 4 બેઠકો રહી છે.