Ahmedabad News: ગુજરાતભરમાં જાણીતી ટી પોસ્ટ કંપનીના માલિક દર્શન અનિલભાઈ દશાણી (Tea Post Owner Darshan Dashani)એ પોતાના પૂર્વ ભાગીદાર સામે છેતરપિંડીની ફરિયાદ નોંધાવી છે. અમદાવાદ ક્રાઇમ બ્રાન્ચ (Ahmedabad Crime Branch)માં નોંધાયેલી ફરિયાદમાં આરોપ લગાવવામાં આવ્યો છે કે વર્ષો પહેલાં બંધ થઈ ગયેલી કંપનીના ચેકનો ઉપયોગ કરીને અને ખોટી સહી કરીને લાખો રૂપિયાની ચાની ખરીદી કરવામાં આવી હતી.ફરિયાદ બાદ પોલીસે સમગ્ર મામલે તપાસ શરૂ કરી છે.

સેબીની વેબસાઇટ પરથી મળી ચેક બાઉન્સની માહિતી

સિંધુભવન રોડ વિસ્તારમાં રહેતા દર્શન દશાણી લાંબા સમયથી ટી પોસ્ટ કંપનીનું સંચાલન કરી રહ્યા છે. કંપનીની ગુજરાત સહિત અન્ય રાજ્યોમાં પણ અનેક શાખાઓ કાર્યરત છે. ફરિયાદ મુજબ, આશરે આઠ મહિના પહેલાં દર્શન દશાણી (Tea Post Owner Darshan Dashani) પોતાની કંપનીના આઈપીઓ સંબંધિત માહિતી માટે સેબીની વેબસાઇટ તપાસી રહ્યા હતા. તે દરમિયાન તેમને જાણવા મળ્યું કે આસામની એક કંપની દ્વારા ચેક બાઉન્સ મામલે તેમની સામે કાર્યવાહી કરવામાં આવી છે.

Tea Post Owner Darshan Dashani: બંધ કંપનીના નામે 8.51 લાખની ચાની ખરીદીનો આરોપ

માહિતી મળ્યા બાદ દર્શન દશાણીએ સંબંધિત કંપનીનો સંપર્ક કર્યો હતો. તપાસ દરમિયાન સામે આવ્યું કે વર્ષ 2017માં બંધ કરવામાં આવેલી ઈસ્ટર્ન ટ્રેડ કોર્પોરેશન નામની કંપનીના નામે ચાની ખરીદી કરવામાં આવી હતી. આ ખરીદી માટે અંદાજે રૂ. 8.51 લાખનો ચેક આપવામાં આવ્યો હતો. ફરિયાદ મુજબ, આ ચેક પર દર્શન દશાણી (Tea Post Owner Darshan Dashani)ની ખોટી સહી કરવામાં આવી હતી.ચેક બાઉન્સ (Cheque Fraud Case) થતાં આસામની કંપની દ્વારા કાયદેસરની કાર્યવાહી શરૂ કરવામાં આવી હતી, જેના કારણે સમગ્ર મામલો સામે આવ્યો હતો.

વધુ એક ચેકમાં પણ ખોટી સહીનો આરોપ

ફરિયાદમાં વધુમાં જણાવાયું છે કે ત્યારબાદ દર્શન દશાણી (Tea Post Owner Darshan Dashani)ને બેંક તરફથી વધુ એક માહિતી મળી હતી. જેમાં તનય ટી કંપની દ્વારા પણ બંધ થયેલી કંપનીનો રૂ. 1 લાખનો ચેક જમા કરાવવામાં આવ્યો હોવાનું સામે આવ્યું હતું.જોકે, ચેક પરની સહી દર્શન દશાણીની સહી સાથે મેળ ખાતી ન હોવાથી બેંકે તેને પરત કર્યો હતો. ત્યારબાદ તપાસ કરતા તેમાં પણ ખોટી સહી કરવામાં આવી હોવાનો આરોપ લગાવવામાં આવ્યો છે.

બંને ભાગીદારો પાસે હતી ચેક પર સહી કરવાની સત્તા

ફરિયાદ મુજબ, વર્ષ 2006માં દર્શન દશાણી અને લલિત મનસુખલાલ બુદ્ધદેવે સાથે મળીને ટી સ્ટેશન નામની કંપની શરૂ કરી હતી.ત્યારબાદ વર્ષ 2013માં બંનેએ મળીને ઈસ્ટર્ન ટ્રેડ કોર્પોરેશન નામની ભાગીદારી પેઢી શરૂ કરી હતી, જેમાં ચાના વેપારનું કામ કરવામાં આવતું હતું.કંપનીના બેંક ખાતામાં બંને ભાગીદારોને ચેક પર સહી કરવાની સત્તા આપવામાં આવી હતી.

કંપની બંધ થયા બાદ જૂની ચેકબુકનો ઉપયોગ કરવાનો આરોપ

ફરિયાદમાં દર્શન દશાણી (Tea Post Owner Darshan Dashani)એ જણાવ્યું છે કે વર્ષ 2016માં તેઓ ટી સ્ટેશન કંપનીમાંથી અલગ થઈ ગયા હતા અને ભાગીદારી સમાપ્ત કરવા માટે જરૂરી કાર્યવાહી કરવામાં આવી હતી.

ત્યારબાદ વર્ષ 2017માં ઈસ્ટર્ન ટ્રેડ કોર્પોરેશન પણ બંધ કરી દેવામાં આવી હતી. કંપનીનું બેંક એકાઉન્ટ ડોર્મન્ટ કરવામાં આવ્યું હતું, ઓફિસ બંધ કરી દેવામાં આવી હતી અને મિલકત પણ વેચી દેવામાં આવી હતી.આરોપ છે કે કંપની બંધ થયા બાદ પણ જૂની ચેકબુક લલિત બુદ્ધદેવ પાસે રહી ગઈ હતી, જેનો કથિત રીતે ઉપયોગ કરીને દર્શન દશાણીની જાણ બહાર વ્યવહારો કરવામાં આવ્યા હતા.

અમદાવાદ ક્રાઇમ બ્રાન્ચે તપાસ શરૂ કરી

આ સમગ્ર મામલે દર્શન દશાણી (Tea Post Owner Darshan Dashani)ની ફરિયાદના આધારે અમદાવાદ ક્રાઇમ બ્રાન્ચે ગુનો નોંધી તપાસ શરૂ કરી છે.પોલીસ ઇન્સ્પેક્ટર મેહુલ ચૌહાણ સમગ્ર કેસની તપાસ કરી રહ્યા છે. તપાસ દરમિયાન તમામ દસ્તાવેજો, બેંક વ્યવહારો અને ચેક સંબંધિત માહિતીની ચકાસણી કરવામાં આવશે.

આ પણ વાંચો:અમદાવાદમાં રૂ.1.56 કરોડની ઠગાઈ, માસ્ટરમાઈન્ડ સુરતથી ઝડપાયો

આ પણ વાંચો:અમદાવાદમાં 20 કરોડની મહાઠગાઈનો પર્દાફાશ: VIP ફોટા બતાવી 15 લોકોને બનાવ્યા શિકાર, દંપતી ઝડપાયું

આ પણ વાંચો:અમદાવાદમાં જેલ પેરોલના નામે સાયબર ફ્રોડ: 10 મિનિટમાં ₹45 હજારની ઠગાઈ