ભારત અને દ.આફ્રિકા વચ્ચે ત્રણ T20, ત્રણ ODI અને બે મેચની ટેસ્ટ સીરિઝ રમાશે. આ મેચો માટે ટીમ ઈન્ડિયા દક્ષિણ આફ્રિકાના પ્રવાસે જશે. ત્રણેય સિરીઝ માટે ટીમ ઈન્ડિયાની ટીમની જાહેરાત થઈ ચૂકી છે. આ પ્રવાસની શરૂઆત ટી-20 સીરિઝથી થશે. જ્યાં T20 શ્રેણીની પ્રથમ મેચ 10 ડિસેમ્બરે ડરબનમાં રમાશે. આ સીરિઝ માટે ટીમ ઈન્ડિયા દ.આફ્રિકા પહોંચી છે. જ્યાં ખેલાડીઓનું શાનદાર સ્વાગત કરવામાં આવ્યું હતું.
દ.આફ્રિકામાં ટીમ ઈન્ડિયાનું સ્વાગત
BCCIએ પોતાના સો. મીડિયા પર આ સીરિઝ માટે ટીમ ઈન્ડિયાના દ.આફ્રિકા પહોંચવાનો વીડિયો પોસ્ટ કર્યો છે. જ્યાં જોઈ શકાય છે કે ભારતીય શૈલીમાં ખેલાડીઓનું ખૂબ જ સારી રીતે સ્વાગત કરવામાં આવ્યું હતું. આ દરમિયાન ટીમ ઈન્ડિયાના ખેલાડીઓ ખુશ દેખાતા હતા. વનડે વર્લ્ડ કપ બાદ ભારતીય ટીમનો આ પ્રથમ પ્રવાસ છે. આ પહેલા ટીમ ઈન્ડિયાએ વર્લ્ડ કપ બાદ તરત જ ઓસ્ટ્રેલિયા સામે ટી-20 સીરિઝ રમી હતી, જ્યાં તેણે કાંગારૂ ટીમને 4-1થી હરાવ્યું હતું. ભારતીય ટીમે આ સીરિઝ સૂર્યકુમાર યાદવની કપ્તાનીમાં રમી હતી, જ્યારે આ સીરીઝ માટે પણ ટીમ ઈન્ડિયાની કમાન સૂર્યાના હાથમાં છે.
દ.આફ્રિકાના પ્રવાસ પર ટી20 સીરિઝ માટે ટીમ ઈન્ડિયાની ટીમ
યશસ્વી જયસ્વાલ, શુભમન ગિલ, રૂતુરાજ ગાયકવાડ, તિલક વર્મા, સૂર્યકુમાર યાદવ (કેપ્ટન), રિંકુ સિંહ, શ્રેયસ ઐયર, ઈશાન કિશન (વિકેટકીપર), જીતેશ શર્મા (વિકેટકીપર), રવિન્દ્ર જાડેજા (વાઈસ કેપ્ટન), વોશિંગ્ટન સુન્દર,રવિ બિશ્નોઇ, અર્શદીપ સિંહ, મોહમ્મદ. સિરાજ, મુકેશ કુમાર અને દીપક ચહરનો સમાવેશ થાય છે.
ભારત-દક્ષિણ આફ્રિકા T20 શ્રેણીનું શેડ્યૂલ
10 ડિસેમ્બર – 1લી T20, ડરબન
12 ડિસેમ્બર- 2જી ટી20, ગકેબરહા
14 ડિસેમ્બર- 3જી T20, જોહાનિસબર્ગ
આ પણ વાંચો:
આ પણ વાંચો:
આ પણ વાંચો:
