યુક્રેનમાં ફસાયેલા ભારતીયોને બચાવવા માટે ભારત યુક્રેનના પડોશી દેશોમાંથી ઓછામાં ઓછી 46 ફ્લાઈટ ઉડાવશે. આ સૂચિત 46 ફ્લાઈટ્સમાંથી અત્યાર સુધીમાં 9 ફ્લાઈટ્સ આવી ચૂકી છે. ઓપરેશન ગંગા હેઠળ આ ફ્લાઈટ 8 માર્ચ સુધી ચાલશે અને ભારતીયોને દેશમાં પરત લાવશે. ભારતીય વિદ્યાર્થીઓને અહીં લાવવામાં કોઈ અસુવિધા ન થાય તે માટે કેન્દ્ર સરકારના ચાર મંત્રીઓને મોકલવામાં આવ્યા છે.
આજે એરફોર્સે પણ સંભાળી કમાન
ભારતીય વિદ્યાર્થીઓના વહેલા પરત ફરવા માટે ભારતીય વાયુસેનાને પણ તૈનાત કરવામાં આવી છે. ભારતીય વાયુસેનાના C-17 ટ્રાન્સપોર્ટ એરક્રાફ્ટે બુધવારે વહેલી સવારે રાષ્ટ્રીય રાજધાની નજીક હિંડનમાં તેના હોમ બેઝ પરથી ઉડાન ભરી હતી. યુક્રેનથી ભારતીય નાગરિકોને પરત લાવવા માટે વિમાન સવારે 4 વાગ્યે રોમાનિયા જવા રવાના થયું હતું.
ભારતીયો માટે પડોશી દેશોની સરહદો સુધી પહોંચવાનો મુખ્ય પડકાર
વિદેશ મંત્રાલયે કહ્યું છે કે વધુ ફ્લાઈટ્સ ગોઠવી શકાય છે. જ્યાં સુધી ભારતીયોની જરૂરિયાત રહેશે ત્યાં સુધી વધુ ફ્લાઈટ્સ ઉપલબ્ધ કરાવવામાં આવશે.
વિદેશ મંત્રાલયે કહ્યું કે હવે ફ્લાઈટ્સની કોઈ અછત નથી, પરંતુ મુખ્ય ચિંતા ભારતીયોને સરહદો પર લઈ જવાની છે. યુક્રેનિયન અને રશિયન દળો વચ્ચે ભારે લડાઈ વચ્ચે પૂર્વમાં કિવ અને ખાર્કિવ જેવા શહેરોથી પશ્ચિમ યુક્રેનની સરહદ પર પહોંચવું એ મુખ્ય પડકાર છે.
ક્યાંથી કેટલી ફ્લાઈટ્સ?
યુક્રેનમાં ફસાયેલા ભારતીયો માટે ઓપરેશન ગંગા હેઠળ બુખારેસ્ટથી 29, બુડાપેસ્ટથી 10, રજ્જોથી છ અને કોસીસેથી એક ફ્લાઈટ છે.
કયા વિમાનમાં કેટલી ક્ષમતા?
અલગ-અલગ એરક્રાફ્ટમાં અલગ-અલગ ક્ષમતા હોય છે. એર ઈન્ડિયા (250), એર ઈન્ડિયા એક્સપ્રેસ (180), ઈન્ડિગો એરલાઈન્સ (216) અને સ્પાઈસજેટ (180) છે. ભારતીય વાયુસેના પણ તેનું C-17 ગ્લોબમાસ્ટર હેવી-લિફ્ટ એરક્રાફ્ટ બુખારેસ્ટ માટે ઉડાન ભરશે.
કિવમાં ભારતીય દૂતાવાસ બંધ
રશિયન લશ્કરી કાર્યવાહીના સંભવિત વધારાને ધ્યાનમાં રાખીને કિવમાં ભારતીય દૂતાવાસ બંધ કરી દેવામાં આવ્યો છે અને સ્ટાફ ખસેડવામાં આવ્યો છે.
યુક્રેનમાં અંદાજે 20 હજાર વિદ્યાર્થીઓ હતા
યુક્રેનમાં અંદાજિત 20,000 ભારતીય વિદ્યાર્થીઓ હતા જ્યારે સરકારે તેની પ્રથમ એડવાઇઝરી બહાર પાડી હતી. સરકારે દાવો કર્યો હતો કે જ્યારે એડવાઈઝરી જારી કરવામાં આવી હતી, ત્યારે લગભગ 12,000 યુક્રેન છોડી ગયા છે, જે કુલના 60 ટકા છે.
આ પણ વાંચો :જ્યોતિરાદિત્ય સિંધિયા પહોંચ્યા બુકારેસ્ટ, મોલ્ડોવાએ ભારતીય વિદ્યાર્થીઓને બહાર કાઢવા માટે ખોલી સરહદ
આ પણ વાંચો :Whatsappએ ભારતમાં 18 લાખ એકાઉન્ટ બંધ કર્યા,જાણો વિગત
આ પણ વાંચો :ઉજ્જૈનમાં તૂટ્યો અયોધ્યાનો વર્લ્ડ રેકોર્ડ, 10 મિનિટમાં 11 લાખ 71 હજાર 78 દીવાઓથી ઝળહળી ઉઠી મહાકાલની નગરી
આ પણ વાંચો :ભારતના વિદેશ મંત્રાલયનો મોટો દાવો, હવે કિવીમાં કોઇ ભારતીયો ફસાયા નથી,જાણો
