આર્જેન્ટિનાના દિવંગત ફૂટબોલ ખેલાડી ડિએગો મેરાડોનાની વસ્તુઓની આજે હરાજી કરવામાં આવશે. બે BMW કારથી લઈને ક્યુબન સિગારના બોક્સ સુધીની હરાજી થશે,બ્યુનોસ એરેસમાં,રવિવારે મેરાડોનાથી સંબંધિત લગભગ 90 વસ્તુઓ વર્ચ્યુઅલ હરાજી બ્લોકમાં મૂકવામાં આવી છે . મેરાડોના સંબંધિત સામાનના વેચાણના આયોજક એડ્રિયન મર્કાડોએ શનિવારે મીડિયાને જણાવ્યું કે આ સમયે અમારી પાસે 1120 લોકો નોંધાયા છે કે જેઓ મેરોડાેનાની વસતુઓ ખરીદવા માટે રસ દાખવ્યો છે.
મેરેડોના-સંબંધિત મર્ચેન્ડાઇઝ વેચાણના આયોજક એડ્રિયન મર્કાડોએ જણાવ્યું હતું કે ઓફર કરવામાં આવનાર 87 લોટમાં $50 થી $900,000 સુધીની ન્યૂનતમ બિડ હશે. આર્જેન્ટિનાના સત્તાવાળાઓએ 1986ના વિશ્વ ચેમ્પિયન મેરાડોનાની સંપત્તિના વારસદારો સાથે કરાર કરીને વેચાણનો આદેશ આપ્યો હતો. વિલા ડેવોટો, બ્યુનોસ એરેસમાં હરાજી કરવામાં આવી રહ્યું છે તે ઘર 1980ના દાયકામાં જ્યારે તે નંબર 10 પ્રોફેશનલ ટીમ બોકા જુનિયર્સ માટે રમી રહ્યા હતા ત્યારે મારાડોનાએ તેના માતા-પિતાને આપી દીધું હતું.
મેરાડોનાનો જન્મ 1960માં થયો હતો. જે વિલા તેમણે તેના માતા-પિતાને આપ્યો હતો ત્યાંજ તે 25 નવેમ્બર 2020 ના રોજ તેના મૃત્યુ સુધી રહ્યા હતા. જેમાં એક સ્વિમિંગ પૂલ પણ સામેલ છે. આ માટે $900,000 ની ન્યૂનતમ બિડ નક્કી કરવામાં આવી છે. વધુમાં, બે BMW કાર, 2017 અને 2016 મૉડલ છે, જેની સંબંધિત ન્યૂનતમ બિડ $225,000 અને $165,000 છે. $38,000 ની મૂળ કિંમત સાથે Hyundai વાન પણ છે. $65,000 ની મૂળ કિંમત સાથે બ્યુનોસ એરેસની દક્ષિણે બે બેડરૂમનું એપાર્ટમેન્ટ પણ સામેલ છે.
વેચાણ માટે એક ટ્રેડમિલ પણ છે જેનો દુબઈમાં રોકાણ દરમિયાન મારાડોનાએ ઉપયોગ કર્યો હતો. ક્યુબાના દિવંગત નેતા ફિડેલ કાસ્ટ્રો સાથે ફૂટબોલ સ્ટારની તસવીર અને ક્યુબન સિગાર પણ યાદીમાં છે.કાસ્ટ્રો દ્વારા હસ્તાક્ષર કરેલ હસ્તલિખિત પત્ર વેચવામાં આવશે નહીં.
