આસામના મુખ્યમંત્રી હિમંતા બિસ્વા સરમાએ મંગળવારે કહ્યું કે તેમની સરકાર આ વર્ષના અંત સુધીમાં સમગ્ર રાજ્યમાંથી AFSPA હટાવવા માટે જરૂરી પગલાં લેશે. આર્મ્ડ ફોર્સિસ (સ્પેશિયલ પાવર્સ) એક્ટ, 1958 (AFSPA) હવે આ પૂર્વોત્તર રાજ્યના માત્ર આઠ જિલ્લાઓ સુધી મર્યાદિત છે, એમ તેમણે જણાવ્યું હતું. છેલ્લા ત્રણ વર્ષમાં લગભગ 8,000 “ક્રાંતિકારીઓ” મુખ્ય પ્રવાહમાં પાછા ફર્યા છે, શર્માએ 77મા સ્વતંત્રતા દિવસના અવસર પર અહીં રાષ્ટ્રધ્વજ ફરકાવ્યા બાદ જણાવ્યું હતું.
તેમણે કહ્યું, “હું આસામના લોકોને ખાતરી આપવા માંગુ છું કે આ વર્ષના અંત સુધીમાં અમે આસામના દરેક જિલ્લામાંથી AFSPA હટાવવા માટે અર્થપૂર્ણ પગલાં લઈશું. આસામના ઈતિહાસમાં આ એક ‘અમૃતમય’ સમય હશે અને અમે તે દિવસની આતુરતાથી રાહ જોઈ રહ્યા છીએ.સરમાએ કહ્યું કે આ કાયદો રાજ્યમાં ત્રણ દાયકાથી વધુ સમય પહેલા લાગુ કરવામાં આવ્યો હતો અને ત્યારબાદ તેને 62 વખત લંબાવવાની ભલામણ કરવામાં આવી હતી. તેમણે કહ્યું, ‘પૂર્વોત્તર ક્ષેત્ર હવે ઉગ્રવાદથી મુક્ત છે. છેલ્લા ત્રણ વર્ષમાં આસામના ક્રાંતિકારીઓ સાથે ચાર શાંતિ સમજૂતી પર હસ્તાક્ષર કરવામાં આવ્યા હતા અને લગભગ 8,000 ક્રાંતિકારીઓ મુખ્ય પ્રવાહમાં પાછા ફર્યા છે.
આસામના 8 જિલ્લાઓમાં હવે AFSPA
આસામ સરકારે આઠ જિલ્લાઓમાં AFSPA હેઠળના ‘ડસ્ટર્બ્ડ એરિયા’ નોટિફિકેશનને 1 એપ્રિલથી વધુ છ મહિના માટે લંબાવ્યું છે. AFSPAને તિનસુકિયા, ડિબ્રુગઢ, ચરાઈદેવ, શિવસાગર, જોરહાટ, ગોલાઘાટ, કાર્બી આંગલોંગ અને દિમા હસાઓમાં વિસ્તારવામાં આવી હતી. આ કાયદો સૌપ્રથમ નવેમ્બર 1990માં આસામમાં લાગુ કરવામાં આવ્યો હતો અને ત્યારથી રાજ્ય સરકાર દ્વારા સમીક્ષા કર્યા બાદ દર છ મહિને તેને લંબાવવામાં આવ્યો છે.આસામના મુખ્યમંત્રી હિમંતા બિસ્વા સરમાએ કહ્યું કે ચૂંટણી પંચ (EC) દ્વારા સીમાંકન અંગેનો અહેવાલ એક વાસ્તવિકતા છે જેને બધાએ સ્વીકારવી જોઈએ. આ મુદ્દા પર ઉત્તરપૂર્વીય રાજ્યમાં ભાજપના સાથી પક્ષોમાં અસંતોષ અને નારાજગીના ગણગણાટ વચ્ચે મુખ્યમંત્રીની ટિપ્પણી આવી. ગયા અઠવાડિયે, ચૂંટણી પંચે અંતિમ સીમાંકન પ્રસ્તાવ પ્રકાશિત કર્યો હતો, જેમાં અનેક વિધાનસભા અને સંસદીય મતવિસ્તારોની સીમાઓ બદલવામાં આવી હતી.
