જ્ઞાનવાપી કેસમાં હિન્દુ પક્ષને મોટી રાહત મળી છે. અલ્હાબાદ હાઈકોર્ટે બુધવારના રોજ જ્ઞાનવાપી પરિસરમાં હાજર શ્રૃંગાર ગૌરી મૂર્તિઓ/દેવતાઓની નિયમિત પૂજા કરવાના અધિકારની માંગ કરતી હિન્દુ પક્ષની અરજી પર વિચારણા કરી હતી. સાથે જ કોર્ટે મસ્જિદ કમિટીની અરજી ફગાવી દીધી હતી. અંજુમન ઈન્તેઝામિયા મસ્જિદ કમિટીને અલ્હાબાદ હાઈકોર્ટથી મોટો ઝટકો લાગ્યો છે. અલ્હાબાદ હાઈકોર્ટે મુસ્લિમ પક્ષના વાંધાને સંપૂર્ણપણે ફગાવી દીધો છે. હાઈકોર્ટના આ નિર્ણય બાદ નિત્ય પૂજાની માંગ કરતી અરજીની સુનાવણીનો માર્ગ મોકળો થઈ ગયો છે.
વારાણસીના જ્ઞાનવાપી વિવાદ સાથે જોડાયેલા શ્રૃંગાર ગૌરી કેસ સાથે જોડાયેલા મોટા સમાચાર સામે આવ્યા છે. હાઈકોર્ટે અંજુમન ઈન્તેઝામિયા મસ્જિદ કમિટીની અરજી ફગાવી દીધી હતી. જિલ્લા ન્યાયાધીશ વારાણસીના નિર્ણયને સમિતિએ પડકાર્યો હતો. અલ્હાબાદ હાઈકોર્ટે આજે શૃંગાર ગૌરીની નિયમિત પૂજા કરવાની માંગ કરતી અરજી પર પોતાનો ચુકાદો આપ્યો છે.
જસ્ટિસ જેજે મુનીરની સિંગલ બેન્ચે આ નિર્ણય આપ્યો છે. દલીલો પૂર્ણ થયા બાદ કોર્ટે 23 ડિસેમ્બર 2022ના રોજ નિર્ણય સુરક્ષિત રાખ્યો હતો. શૃંગાર ગૌરીના કેસમાં વારાણસી કોર્ટમાં રાખી સિંહ અને અન્ય 9 લોકો દ્વારા સિવિલ દાવો દાખલ કરવામાં આવ્યો હતો. મસ્જિદની વ્યવસ્થા સમિતિએ આ મામલામાં પોતાનો વાંધો નકારવા સામે હાઈકોર્ટમાં અરજી દાખલ કરી હતી.
અરજીમાં વારાણસીના જિલ્લા ન્યાયાધીશના 12 સપ્ટેમ્બરના નિર્ણયને પડકારવામાં આવ્યો છે, કોર્ટમાં કેસ દાખલ કરનાર 5 મહિલાઓ સહિત દસ લોકોને પક્ષકાર બનાવવામાં આવ્યા છે. વારાણસીના જિલ્લા ન્યાયાધીશની અદાલતે મુસ્લિમ પક્ષે દાખલ કરેલા વાંધાને ફગાવી દીધો હતો. મુસ્લિમ પક્ષે રજૂઆત કરી હતી કે 1991ના પ્લેસ ઓફ વર્શીપ એક્ટ અને 1995ના સેન્ટ્રલ વક્ફ એક્ટ હેઠળ સિવિલ દાવો જાળવવા યોગ્ય નથી. જિલ્લા ન્યાયાધીશના આ નિર્ણયને મસ્જિદ કમિટીએ હાઈકોર્ટમાં પડકાર્યો છે.
આ પણ વાંચો:PM મોદીએ કંબોડિયાના રાજા સાથે મુલાકાત કરી, દ્વિપક્ષીય સંબંધોને વધુ મજબૂત બનાવવાની આપી ખાતરી આપી
આ પણ વાંચો:કર્ણાટકમાં સિદ્ધારમૈયા સરકારે કર્મચારીઓને આપી મોટી ભેટ,મોંઘવારી ભથ્થામાં 4 ટકાનો કર્યો વધારો
આ પણ વાંચો:ભારત 4 જુલાઈએ વર્ચ્યુઅલ રીતે SCO સમિટની યજમાની કરશે, આ દેશોને આપવામાં આવ્યું આમંત્રણ
આ પણ વાંચો:દેશમાં 40 મેડિકલ કોલેજોની માન્યતા રદ કરવામાં આવી,જાણો
