દેશમાં કોરોનાની બીજી લહેેરે હાહાકાર મચાવ્યો છે. આ વાયરસથી કોઇ દૂર રહી શક્યું નથી. આ કપરી સ્થિતિમાં ઘણા લોકો મદદ કરવા આગળ આવ્યા છે. આ વાયરસથી રમત જગત અને ખેલાડીઓ પણ ખરાબ રીતે પ્રભાવિત થયા છે.
IPL 2021 / IPL ની અધુરી સિઝનના 31 મેચ આ દેશમાં યોજાઇ શકે છે, 4 ક્લબોએ ટુર્નામેન્ટ માટે રાખ્યો પ્રસ્તાવ
કેટલીક ટીમોમાં કોવિડ પોઝિટિવ કેસ મળ્યા બાદ રમત-ગમત અને રમત-ગમતની દુનિયા પણ આનાથી ખરાબ રીતે અસર પામી છે. આ વાયરસનાં કારણે આઈપીએલ 2021 મુલતવી પણ રાખવુ પડ્યુ છે. આવી સ્થિતિમાં જ્યારે દેશની પરિસ્થિતિ સમગ્ર દુનિયાની સામે હોય, ત્યારે સ્થાનિક ખેલાડી હોય કે વિદેશી ક્રિકેટર તમામ કઇંકને કઇન યોગદાન આપવાનો પ્રયાસ કરી રહ્યા છે. તાજેતરનાં સમાચાર મુજબ ભારતનાં ભૂતપૂર્વ ઓલરાઉન્ડર લક્ષ્મી રતન શુક્લાને લગતા છે. લક્ષ્મી રતન શુક્લાએ લોકોને મદદ કરવા તેમની કોમેન્ટરી ફી દાન કરવાની જાહેરાત કરી છે. ગુરુવારે આ ભૂતપૂર્વ ખેલાડી અને વર્તમાન કોમેન્ટેટરે કહ્યું હતું કે, તેઓ IPL ની કોમેન્ટ્રીથી મળતી ફી કોરોના સંકટથી નિકળવા માટે પશ્ચિમ બંગાળ મુખ્યમંત્રી રાહત ફંડમાં આપશે. શુક્લાએ પોતાના ટ્વિટ દ્વારા કહ્યું, “આજે, 6 મે નાં રોજ મારા જન્મદિવસનાં પ્રસંગે, હું આઈપીએલ 2021 માં કોમેન્ટ્રીથી મળેલી કમાણીને પશ્ચિમ બંગાળનાં મુખ્ય પ્રધાન રાહત ભંડોળમાં આપું છું. કોરોનાની સ્થિતિ સામે લડવા માટે, હું નાનું યોગદાન આપું છું. આજે હુ જે છુ લોકોનાં કારણે છું.”
પોલિસ ફરિયાદ / ક્રિકેટર ઇરફાન પઠાણ પર ગેરકાયદેસર સંબંધ રાખવાનો આરોપ
શુક્લાએ ઉમેર્યું, “જો મારા જન્મદિવસ પર મારા યોગદાનથી કોઈ ફરક પડે છે, તો હું પોતાને ભાગ્યશાળી માનીશ.” શુક્લા વર્ષ 2016 થી 2021 દરમિયાન રાજ્યનાં રમત ગમત અને યુવા કાર્યમંત્રી રહ્યા હતા. તેમણે આ વર્ષની શરૂઆતમાં રાજકારણને અલવિદા કહ્યું હતું. તેઓ હાવડા ઉત્તર વિસ્તારનાં કોંગ્રેસનાં તૃણમૂલ ધારાસભ્ય હતા. શુક્લાએ ભારત માટે ત્રણ વનડે અને 137 પ્રથમ-શ્રેણીની મેચ રમી છે. તે આઈપીએલમાં બંગાળી કોમેંટ્રી ટીમનો ભાગ હતા. અગાઉ કોલકાતા નાઈટ રાઇડર્સનાં ઓસ્ટ્રેલિયન ક્રિકેટર પેટ કમિન્સે કોરોના રાહત કાર્ય માટે 50,000 ડોલર દાન આપ્યા હતા. આ સિવાય પૂર્વ ઓસ્ટ્રેલિયન બોલર બ્રેટ લીએ પણ એક બિટકોઇન (41 લાખ રૂપિયા) દાન આપ્યું હતું. ક્રિકેટ ઓસ્ટ્રેલિયા અને એસ્ટોનિયા ક્રિકેટે પણ કોરોના રાહત માટે ફાળો આપ્યો છે. આ સાથે જ આઈપીએલની તમામ ટીમોએ પણ લોકોને મદદ કરવા દાન આપ્યું હતું.
