America: અમેરિકામાં એક વિચિત્ર કિસ્સો સામે આવ્યો છે. એક 82 વર્ષીય મહિલાને અહીંની હોસ્પિટલમાં મૃત જાહેર કરાયાના ત્રણ કલાક પછી સ્મશાનગૃહમાંથી જીવિત મળી આવી હતી. જ્યારે વૃદ્ધ મહિલાએ સ્મશાનમાં શ્વાસ લેવાનું શરૂ કર્યું તો ત્યાં હાજર લોકો ડરી ગયા હતા અને નાસભાગ મચી ગઇ હતી,સ્ત્રી ખરેખર જીવતી હતી. જે બાદ આ મામલે તપાસ શરૂ કરવામાં આવી હતી.
America આ ઘટના ન્યુયોર્કની છે. પોલીસ અધિકારીઓના નિવેદનમાં કહેવામાં આવ્યું છે કે રાજ્યના એટર્ની જનરલની ઓફિસ આ મામલાની તપાસ કરશે. સફોક કાઉન્ટી પોલીસ દ્વારા જારી કરાયેલા નિવેદન અનુસાર શનિવારે (4 ફેબ્રુઆરી) સવારે 11:15 વાગ્યે પોર્ટ જેફરસન, લોંગ આઇલેન્ડ, ન્યૂયોર્કના વોટર એજ રિહેબ એન્ડ નર્સિંગ સેન્ટરમાં મહિલાને મૃત જાહેર કરવામાં આવી હતી. નિવેદનમાં કહેવામાં આવ્યું છે કે, “એક 82 વર્ષીય મહિલા (જેનું નામ જાહેર કરવામાં આવ્યું નથી)ને બપોરે 1:30 વાગ્યે મિલર પ્લેસ ખાતે ઓબી ડેવિસ સ્મશાનગૃહમાં લઈ જવામાં આવી હતી. તે ત્યાં બપોરે 2:09 વાગ્યે શ્વાસ લેતી જોવા મળી હતી.”
America મૃત જાહેર કર્યાના 3 કલાક બાદ મહિલાને જીવતી મળી હોવાનો આ કિસ્સો ઝડપથી મીડિયામાં આવ્યો હતો. આ બીજી વખત હતું, જ્યારે કોઈને જીવતા મૃત જાહેર કરવામાં આવ્યા હતા. જાન્યુઆરીની શરૂઆતમાં, આયોવાની એક હોસ્પિટલમાં મૃત જાહેર કર્યા પછી 66 વર્ષીય મહિલા જીવંત અને સ્મશાનગૃહમાં બેગમાં હાંફતી જોવા મળી હતી.
ન્યૂયોર્ક ટાઈમ્સના અહેવાલ મુજબ, આયોવાના અર્બન્ડેલમાં ગ્લેન ઓક્સ અલ્ઝાઈમર સ્પેશિયલ કેર સેન્ટરમાં 3 જાન્યુઆરીએ મહિલાને મૃત જાહેર કરવામાં આવી હતી. તેને એક થેલીમાં રાખીને સ્મશાનગૃહમાં લઈ જવામાં આવ્યો હતો. ત્યાં સ્મશાનગૃહના કર્મચારીઓએ બોડી બેગની ઝિપ ખોલી અને જોયું કે મહિલા જીવિત છે અને તે શ્વાસ માટે હાંફતી હતી. આયોવા ડિપાર્ટમેન્ટ ઑફ ઇન્સ્પેક્શન એન્ડ અપીલ્સ દ્વારા પ્રકાશિત અહેવાલ અનુસાર, મહિલાને પાછળથી હોસ્પિટલમાં લઈ જવામાં આવી હતી, જ્યાં તેણીનું 5 જાન્યુઆરીએ મૃત્યુ થયું હતું.
