રતન રાજપૂત એક લોકપ્રિય ટીવી અભિનેત્રી છે. તે ‘અગલે જનમ મોહે બિટિયા હી કીજો’માં ‘લાલી’નું પાત્ર ભજવતી જોવા મળી હતી. રતન રાજપૂત છેલ્લા કેટલાક સમયથી ટીવીથી દૂર છે, પરંતુ સોશિયલ મીડિયા દ્વારા તેના ફેન્સ સાથે જોડાયેલી રહે છે. રતનના વ્લોગ તેના ચાહકોને ખૂબ પસંદ છે. હાલમાં જ રતન રાજપૂતે નવો ફોન ખરીદ્યો છે, જેના વિશે જણાવતા તેણે પોતાની સાથે બનેલી એક ઘટના વિશે જણાવ્યું, જેને સાંભળીને લોકો આશ્ચર્યચકિત થઈ ગયા. અને અલબત્ત તમે પણ આ ઘટના વિશે જાણીને ચોંકી જશો.
આ વ્લોગમાં, જ્યારે રતને તેનો નવો ફોન ખરીદ્યો, ત્યારે તેને તે ઘટના યાદ આવી, જેના વિશે વિચારીને તે હજી પણ કંપી જાય છે. અભિનેત્રીએ જણાવ્યું કે આ તે સમયની વાત છે જ્યારે તે દિલ્હીમાં રહેતી હતી. તે દિવસોમાં તે મંડી હાઉસમાં નાટકની પ્રેક્ટિસ કરતી હતી. રતને જણાવ્યું કે એક દિવસ જ્યારે તે મંડી હાઉસથી પરત ફરી રહી હતી ત્યારે તેની માતા સાથે ફોન પર વાત કરી રહી હતી ત્યારે એક છોકરાએ તેનો ફોન જબરદસ્તીથી છીનવી લીધો હતો. રતને મદદ માટે જોર જોરથી બૂમો પાડી, પણ મદદ માટે કોઈ આગળ ન આવ્યું. ત્યાં ઉભેલા લોકો માત્ર તમાશો જોતા જ રહ્યા. રતને જણાવ્યું કે જ્યારે તેને મદદ ન મળી તો તે છોકરાની પાછળ દૂર દૂર સુધી ગઈ.
રતન આગળ જણાવે છે કે છોકરાનો પીછો કરતી વખતે તે ઘણી દૂર આવી હતી. પછી એક છોકરો ત્યાં આવે છે જેની પાસેથી તેણી મદદ માટે વિનંતી કરે છે, પરંતુ તે તેનો હાથ પકડીને તેને જંગલ તરફ ખેંચી જવાનું શરૂ કરે છે. રતનને જંગલ તરફ ખેંચીને છોકરો કહેતો હતો, “આ તુઝે તેરા ફોન દિલતા હું.” અભિનેત્રી માટે એ રાત ભયંકર કાળી રાતથી ઓછી નહોતી. આખરે બે છોકરાઓ ત્યાં આવ્યા અને તેઓએ રતનને મદદ કરી. એટલું જ નહીં, તે બે છોકરાઓ તેને સુરક્ષિત ઘરે પણ લઈ ગયા.
આ પણ વાંચો:કોમેડિયન રાજુ શ્રીવાસ્તવને આવ્યો હાર્ટ એટેક, AIIMSમાં દાખલ કરાયા
આ પણ વાંચો:રેશનકાર્ડ ધારકોને તિરંગો ખરીદવા માટે કરવામાં આવી રહ્યા છે મજબૂર:વરુણ ગાંધી
