ગણેશ ચતુર્થીનો તહેવાર 10 સપ્ટેમ્બરે આવી રહ્યો છે, જેને લઇને લોકોમાં ઉત્સાહ સ્પષ્ટપણે જોઇ શકાય છે. લોકો આ વખતે ખૂબ ધામધૂમથી તહેવાર ઉજવવાની તૈયારીઓ કરી રહ્યા છે. આ વિશે હિન્દુ ધર્મમાં વિશેષ ઉલ્લાસ છે.
આ પણ વાંચો – સંગ એવો રંગ! / તાલિબાનનનાં મિત્ર પાકિસ્તાને મહિલા શિક્ષકોને ટાઇટ કપડા પહેરવા પર મુક્યો પ્રતિબંધ
સનાતન પરંપરામાં ભગવાન ગણેશની પૂજા સૌથી પહેલા માનવામાં આવે છે. વિદ્યા, બુદ્ધિ, અવરોધોનો નાશ કરનાર, સમૃદ્ધિ, શક્તિ અને સન્માન આપનાર દેવ તરીકે પણ તે પૂજાય છે. લોકો શુભ કાર્યોનાં પ્રતિકરૂપે ભગવાન ગણેશની પૂજા કરે છે, જેથી તેઓ જે કાર્ય કરે છે તેમા વિજય પ્રાપ્ત કરી શકે. આ તહેવાર મંગલ મૂર્તિની જન્મજયંતિ તરીકે ઉજવવામાં આવે છે. આ વખતે ગણેશ ચતુર્થી ઘણા શુભ સંયોગો લઈને આવી રહી છે. આ વર્ષે ગણેશ ચતુર્થી પર ઘણા શુભ યોગ બની રહ્યા છે જે આ તહેવારને વધુ વિશેષ બનાવી રહ્યા છે. 10 સપ્ટેમ્બર 2021 નાં રોજ ગણેશ ચતુર્થી પર બુધ અને મંગળ કન્યા રાશિમાં જોડાશે ઉપરાંત શુક્ર અને ચંદ્ર તુલા રાશિમાં જોડાશે. તુલા રાશિ શુક્રની પોતાની રાશિ છે અને શુક્ર અને ચંદ્ર મહિલા પ્રભુત્વ ધરાવતા ગ્રહો માનવામાં આવે છે, તેથી આ ઘરમાં આ બંનેનાં સંયોગને કારણે આ ગણેશ ચતુર્થી મહિલાઓ માટે ખૂબ જ શુભ રહેશે. આ દિવસની સારી વાત એ છે કે આ દિવસે સૂર્ય અને શનિ પોતપોતાની રાશિઓમાં રહેશે. સમાજ અને સરકાર માટે આ ખૂબ જ સુખદ પરિસ્થિતિ હશે.
પૂજાનો શુભ સમય
- ગણેશ પૂજા માટે મધ્યાહન મુહૂર્ત: સવારે 11:03 થી બપોરે 13:33 વાગ્યા સુધી
- એટલે કે પૂજાનો સમય બે કલાક અને 30 મિનિટનો માનવામાં આવ્યો છે.
- શુભ મુહૂર્ત બપોરે 12:18 થી ચતુર્થી તિથિનાં અંત સુધી 9:57 વાગ્યા સુધી છે.
- આ સમયે ચંદ્રનાં દર્શન કરવા નહી: સવારે 09:12 થી 20:53
આ પણ વાંચો – પરીક્ષાઓ માટે તૈયાર રહો / શિક્ષણ વિભાગ દ્વારા શૈક્ષણિક કેલેન્ડર બહાર પડાયું નવું શૈક્ષણિક સત્ર ૬ જૂન ૨૦૨૨ થી થશે શરૂ થશે
કન્યા રાશિમાં મંગળ અને બુધનાં જોડાવવાનાં કારણે લોકોએ બિનજરૂરી વાદવિવાદથી દૂર રહેવાની જરૂર છે. જ્યારે મંગળની ઉર્જા જીભનાં રૂપમાં બુધને મળે છે, ત્યારે તે કડવી બની જાય છે અને લોકોનાં મગજમાં ઘૂસવા લાગે છે, જેના કારણે દુશ્મનો વધી જાય છે અને શરીરમાં વિકારો પણ શરૂ થાય છે. ભગવાન ગણેશ પોતે વધારે બોલતા નથી. ગણેશને મૌનનાં દેવતા પણ કહેવામાં આવે છે તેઓ સૌથી મધુર અવાજમાં વાત કરતા હતા. તે ઓછી પરંતુ વજનદાર વાતો કરવા માટે જાણીતા છે. તેમના ચહેરા પર હંમેશા સ્મિત રહેતું હતુ. તેથી ઓછું બોલો અને પ્રેમથી વાત કરો.
