ટીવી ઈન્ડસ્ટ્રીના જાણીતા કલાકાર સિદ્ધાર્થ શુક્લાએ ગયા વર્ષે દુનિયાને અલવિદા કહી દીધું હતું. સિદ્ધાર્થ શુક્લાના મૃત્યુથી બધાને આઘાત લાગ્યો હતો. પ્રશંસકો આજે પણ સિદ્ધાર્થને કોઈને કોઈ કારણસર યાદ કરતા રહે છે અને આ સમયે તેનો એક વીડિયો સામે આવ્યો છે જે લોકોમાં ઝડપથી વાયરલ થઈ રહ્યો છે. આ વીડિયો જોઈને ફેન્સ ખૂબ જ ભાવુક થઈ ગયા છે. સામે આવેલો આ વીડિયો વેબ સિરીઝ બ્રોકન બટ બ્યુટીફુલ 3 ના સેટનો છે. આ વીડિયોમાં સિદ્ધાર્થ શુક્લા તેની પ્રથમ અને છેલ્લી વેબ સીરિઝ બ્રોકન બટ બ્યુટીફુલ 3 માટે ફોટોશૂટ કરાવી રહ્યો છે. વીડિયોમાં તેની સાથે અભિનેત્રી સોનિયા રાઠી પણ જોવા મળી રહી છે.
ભાવુક થયા ચાહકો
બ્રોકન બટ બ્યુટીફુલ 3 ને લોકોએ મિશ્ર પ્રતિસાદ આપ્યો પરંતુ સોનિયા રાઠી સાથે સિદ્ધાર્થ શુક્લાની કેમેસ્ટ્રી બધાને પસંદ આવી. આ વેબ સિરીઝના સેટ પરથી સામે આવેલો વીડિયો જોઈને કોઈપણ ઈમોશનલ થઈ જશે. વીડિયોમાં સિદ્ધાર્થ શુક્લા ઓરેન્જ કલરનું ટી-શર્ટ પહેરેલો જોવા મળી રહ્યો છે. આ વીડિયો જોયા બાદ સિદ્ધાર્થ શુક્લાના એક પ્રશંસકે લખ્યું, ‘આ શેર કરવા બદલ તમારો આભાર, તમે હંમેશા અમારા દિલમાં રહેશો સિદ્ધાર્થ..તેમની યાદો સાથે જોડાયેલી દરેક વસ્તુ હજુ પણ તાજી છે.’ અન્ય એક વ્યક્તિએ લખ્યું, ‘મારી પ્રથમ વેબ સીરિઝ.. તે સિદ્ધાર્થ શુક્લાના કારણે જ જોઈ. અગસ્ત્ય રાવ અત્યાર સુધીના સૌથી સુંદર પાત્રોમાંથી એક છે.
https://www.instagram.com/reel/CeIsii_I0LE/?utm_source=ig_embed&ig_rid=c7472ebd-0477-4087-ada2-7ecb114aad23
શહનાઝ જીવનમાં આગળ વધી રહી છે
એક તરફ સિદ્ધાર્થ શુક્લાનો વીડિયો વાયરલ થઈ રહ્યો છે. બીજી તરફ શહનાઝ ગિલ વિશે પણ એક મોટા સમાચાર સામે આવી રહ્યા છે. શહનાઝ ટૂંક સમયમાં સલમાન ખાનની બહુપ્રતિક્ષિત ફિલ્મ કભી ઈદ કભી દિવાલીમાં મહત્વની ભૂમિકા ભજવવા જઈ રહી છે. એવા અહેવાલો છે કે શહનાઝ ગિલે પણ મુંબઈમાં આ ફિલ્મનું શૂટિંગ શરૂ કરી દીધું છે.
આ પણ વાંચો: જમ્મુ-કાશ્મીરના પુલવામામાં અથડામણ, એક આતંકવાદી ઠાર
આ પણ વાંચો: રશિયાએ યુક્રેનના સૌથી મોટા શહેર લુહાન્સ્ક, સ્વાયરોડોન્સ્ક પર મિસાઇલો અને શેલ વરસાવ્યા
આ પણ વાંચો: હાર્દિક પટેલ આજે ભાજપમાં નહીં જોડાય, સિદ્ધુ મુસેવાલાની હત્યા માટે આમ આદમી પાર્ટી પર નિશાન સાધતા કહ્યું-
