થોળ પક્ષી અભયારણ્યમાં વિદેશી પક્ષીઓનું આગમન, લોકોમાં જોવા મળ્યું કુતૂહલ

મહેસાણાના થોળ પક્ષી અભયારણ્યમાં આવ્યા વિદેશી પક્ષીઓનું આગમન
4 કુંજ પક્ષીઓ 10,000 કિલોમીટરની ઉડાન ભરી આવ્યા
કુંજ નામના 4 પક્ષીઓમાં લગાવેલી છે જીપીએસ સિસ્ટમ
અભ્યારણમાં 70 થી વધુ પ્રજાતિના 30 થી 40 હજાર પક્ષીઓ
ગરમીની અસર શરૂ થતાં પક્ષીઓ પોતાના પ્રદેશમાં ફરશે પરત

મહેસાણાના કડી તાલુકાના થોળ તળાવમાં શિયાળુ શરૂ થતાંની સાથે જ દેશ – વિદેશમાં વસવાટ કરતા વિવિધ પ્રજાતિના પક્ષીઓ આવ્યા છે. દર વર્ષે શિયાળામાં માઇનસ ડીગ્રી તાપમાન ધરાવતા દેશોના પક્ષીઓ થોળ તળાવમાં આવે છે.

મહેસાણા જિલ્લાના જાણીતું કડી તાલુકા ના થોળ તળાવ માં આવેલા પક્ષી અભયારણ્યમાં હજ્જારો કિલોમીટર દૂરથી વિવિધ પ્રજાતિમાં પક્ષીઓ આવે છે.શિયાળુ શરૂ થતાંની સાથે જ દેશ – વિદેશ માં વસવાટ કરતા વિવિધ પ્રજાતિના પક્ષીઓ કડી તાલુકા માં આવેલા થોળ તળાવના પક્ષી અભયારણ્યમાં આવે છે અને ચાલુ સાલે પણ હજ્જારો કિલોમીટર દૂરથી પક્ષીઓ થોળ અભ્યારણમાં આવ્યા છે.

દર વર્ષે શિયાળા માં માઇનસ ડીગ્રી તાપમાન ધરાવતા દેશોના પક્ષીઓ થોળ તળાવમાં આવે છે,પરંતુ ગત વર્ષે મહેસાણા જિલ્લા વન વિભાગએ પક્ષીઓની ઓળખ અને સંશોધન માટે લગાવેલી જીપીએસ સિસ્ટમ વાળા 4 કુંજ પક્ષીઓ 10,000 કિલોમીટરની ઉડાન ભરી થોળ તળાવમાં આવ્યા છે.

મહેસાણા વન વિભાગે લગાવેલી જીપીએસ સિસ્ટમ ઉપરથી માલુમ પડ્યું કે 4 કુંજ પક્ષીઓ જીપીએસ લગાવેલા 10,000 કિલોમીટર દૂર થી આવ્યા છે.આમ,વન વિભાગે શરૂ કરેલા સંશોધનમાં હજ્જારો કિલોમીટર દૂરથી આવતા પક્ષીઓ માટે ની જે આજદિન સુધી ની ધારણા હતી એ હવે સાચી ઠરી છે.જો વિદેશી પક્ષીઓની વાત કરીએ તો થોળ પક્ષી અભયારણ્યમાં 70 થી વધુ પ્રજાતિના 30 થી 40 હજાર પક્ષીઓ શિયાળાની ઠંડી મૌસમમાં આવે છે અને વિહાર કરે છે અને બાદ ગરમી ની અસર શરૂ થતાં જ પોતાના પ્રદેશ માં પરત ફરે છે.