Amit Shah about Terrorism: કેન્દ્રીય ગૃહમંત્રી અમિત શાહે આતંકવાદને ફાઇનાન્સિંગને આતંકવાદ કરતા પણ મોટો ખતરો ગણાવ્યો છે. તેમણે રાજધાનીમાં હોટેલ તાજ પેલેસમાં ‘નો મની ફોર ટેરર’ થીમ પર કાઉન્ટર-ટેરરિસ્ટ ફાઇનાન્સિંગ પર ત્રીજી મંત્રી સ્તરીય પરિષદને સંબોધિત કરતી વખતે આ વાત કહી હતી. તેમણે શુક્રવારે કહ્યું કે તેને કોઈ ધર્મ, રાષ્ટ્રીયતા કે સમૂહ સાથે જોડવું જોઈએ નહીં. અમિત શાહે કહ્યું કે આતંકવાદીઓને સુરક્ષા આપવી એ આતંકવાદને પ્રોત્સાહન આપવા સમાન છે અને તે વિશ્વના તમામ દેશોની સામૂહિક જવાબદારી છે કે આવા તત્વો અને આવા દેશો ક્યારેય તેમના ઈરાદામાં સફળ ન થાય. આતંકવાદીઓ હિંસા આચરવા, યુવાનોને કટ્ટરપંથી બનાવવા અને નાણાકીય સંસાધનો એકત્ર કરવા અને સાયબર ક્રાઈમ સાધનોનો ઉપયોગ કરીને અને તેમની ઓળખ છુપાવીને કટ્ટરપંથી સામગ્રી ફેલાવવા માટે સતત નવા રસ્તાઓ શોધી રહ્યા છે.
અમિત શાહે વધુમાં જણાવ્યું કે, નિઃશંકપણે, આતંકવાદ વૈશ્વિક શાંતિ અને સુરક્ષા માટે સૌથી ગંભીર ખતરો છે. હું માનું છું કે આતંકવાદનું ધિરાણ આતંકવાદ કરતાં વધુ ખતરનાક છે કારણ કે આવા ધિરાણ આતંકવાદના ‘માર્ગો અને પદ્ધતિઓ’ને પોષે છે. આતંકવાદનું ધિરાણ વિશ્વના દેશોની અર્થવ્યવસ્થાને નબળું પાડે છે. ભારતે આતંકવાદનો સામનો કરવા માટે સુરક્ષા ઈન્ફ્રાસ્ટ્રક્ચર તેમજ કાયદાકીય અને નાણાકીય વ્યવસ્થાને મજબૂત કરવામાં નોંધપાત્ર પ્રગતિ કરી છે. પાકિસ્તાન પર આડકતરી રીતે પ્રહાર કરતા કેન્દ્રીય ગૃહમંત્રીએ કહ્યું કે કેટલાક એવા દેશો છે જે આતંકવાદ સામે લડવાના સામૂહિક પ્રયાસોને નબળા અને નષ્ટ કરવા માંગે છે. કેટલાક દેશો આતંકવાદીઓને રક્ષણ આપે છે અને તેમને આશ્રય પણ આપે છે.
આ પણ વાંચો: Gujarat election 2022/નવસારીમાં નડ્ડા કોંગ્રેસ પર વરસ્યાઃ પીએમ નેહરુએ એક તો PM
