Anand News : ભારતના મહત્વાકાંક્ષી બુલેટ ટ્રેન(Bullet Train) પ્રોજેક્ટ અંતર્ગત રેલવે મંત્રી Ashwini Vaishnawએ આણંદ સ્ટેશન વિશે મહત્વપૂર્ણ માહિતી આપી છે. ‘શ્વેત ક્રાંતિ’ની નગરી તરીકે ઓળખાતા Anandમાં બનતું બુલેટ ટ્રેન સ્ટેશન આધુનિકતા અને પરંપરાનું અનોખું સંયોજન બનશે.
દૂધના ટીંપાથી પ્રેરિત ડિઝાઇન
આ સ્ટેશનની ડિઝાઇન ‘દૂધના ટીંપા’ પરથી પ્રેરિત છે, જે આણંદની ઓળખને પ્રતિબિંબિત કરે છે. આ અનોખી રચના શહેરની સાંસ્કૃતિક અને ઔદ્યોગિક વારસાને ઉજાગર કરશે.
વિશાળ અને ભવ્ય માળખું
- કુલ વિસ્તાર: 44,073 ચોરસ મીટર
- ઊંચાઈ: 25.6 મીટર
- માળ: 3
- પ્લેટફોર્મ: 2 સાઈડ પ્લેટફોર્મ
આ માળખું મુસાફરોને સરળ અને સુવ્યવસ્થિત અવરજવર માટે બનાવવામાં આવ્યું છે.
આધુનિક સુવિધાઓ
સ્ટેશનમાં પર્યાવરણને ધ્યાનમાં રાખીને ખાસ સુવિધાઓ ઉમેરવામાં આવી છે:
- કુદરતી પ્રકાશ માટે સ્કાઇલાઇટ
- કાર, ઓટો અને બસ માટે અલગ પિક-અપ/ડ્રોપ ઝોન
- વિશાળ પાર્કિંગ સુવિધા
આ બુલેટ ટ્રેન સ્ટેશન માત્ર પરિવહન માટે નહીં, પરંતુ આણંદ શહેરની નવી ઓળખ તરીકે વિકસશે.
