World News : એશિયન અને યુરોપિયન બજારોમાં ઘટાડા બાદ હવે અમેરિકન શેરબજારમાં પણ ઘટાડો જોવા મળી રહ્યો છે. હાલમાં, ડાઉ જોન્સ ઇન્ડેક્સ 870 પોઈન્ટ અથવા 2.27% ઘટીને 37,443 પર ટ્રેડ થઈ રહ્યો છે.શરૂઆતના વેપારમાં તે 1,400 પોઈન્ટ (4.5%) ઘટ્યો હતો. ગયા અઠવાડિયાના છેલ્લા બે ટ્રેડિંગ દિવસોમાં ડાઉ જોન્સ 9% થી વધુ ઘટ્યો હતો. તેનો અર્થ એ કે ડાઉ જોન્સ સતત ત્રણ ટ્રેડિંગ દિવસોમાં લગભગ 11% ઘટ્યો છે.

તે જ સમયે, અમેરિકન બજારનો S&P 500 ઇન્ડેક્સ 72 પોઈન્ટ અથવા 1.43% ઘટીને 5,000 ના સ્તરે પહોંચ્યો. નાસ્ડેક કમ્પોઝિટ 180 પોઈન્ટ અથવા 1.20% ઘટીને 15,400 પર ટ્રેડ થઈ રહ્યો હતો. Nvidia, Apple, Nike, Home Depot અને Intel જેવી કંપનીઓના શેરમાં 2% સુધીનો ઘટાડો જોવા મળી રહ્યો છે.

ટ્રમ્પે ચીન પર 50% વધારાનો ટેરિફ લાદવાની ધમકી આપી

આ દરમિયાન, ટ્રમ્પે સોશિયલ મીડિયા પ્લેટફોર્મ ટ્રુથ પર એક પોસ્ટ શેર કરીને ચીનને અલ્ટીમેટમ આપ્યું છે. તેમણે કહ્યું કે ચીને રિટેલર ટેરિફ પાછો ખેંચી લેવો જોઈએ, નહીં તો તેને 50% વધારાના ટેરિફનો સામનો કરવો પડશે.યુએસ પ્રમુખ ડોનાલ્ડ ટ્રમ્પ કોઈપણ દેશ પર પારસ્પરિક ટેરિફ લાદવાનું બંધ કરશે નહીં. વ્હાઇટ હાઉસે એવા અહેવાલોને નકારી કાઢ્યા છે જેમાં દાવો કરવામાં આવ્યો હતો કે ટ્રમ્પ ચીન સિવાયના તમામ દેશો પર પારસ્પરિક ટેરિફ 90 દિવસ માટે સ્થગિત કરવાનું વિચારી રહ્યા છે. આ સમાચાર પછી, યુએસ શેરબજારમાં ટ્રેડિંગ દરમિયાન લગભગ 3.5% ની રિકવરી પણ જોવા મળી.ડાઉ જોન્સ ઇન્ડેક્સના ટોપ લૂઝર

શેર કિંમત ઘટાડો
એનવીડિયા 88.05 ડોલર 7.21%
એપલ 176.69 ડોલર 6.39%
ઇન્ટેલ 18.72 ડોલર 6.22%
નાઇકી 53.77 ડોલર 5.91%
હોમ ડેપો 333.56 ડોલર 5.63%
4 દિવસમાં માર્કેટ કેપ લગભગ $6.5 ટ્રિલિયન ઘટી ગયું

આજે S&P 500 ઇન્ડેક્સનું માર્કેટ કેપ 3.44% અથવા $1.47 ટ્રિલિયન ઘટીને $41.20 ટ્રિલિયન થયું. અગાઉ 4 એપ્રિલે એ ઘટીને લગભગ $42.678 ટ્રિલિયન થઈ ગયું હતું. જ્યારે 3 એપ્રિલે એ 45.38 ટ્રિલિયન ડોલર હતું અને 2 એપ્રિલે માર્કેટ કેપ 47.681 ટ્રિલિયન ડોલર હતું, એટલે કે સતત ચાર ટ્રેડિંગ દિવસોમાં માર્કેટ કેપમાં લગભગ $6.5 ટ્રિલિયનનો ઘટાડો થયો છે.દરમિયાન યુરોપિયન બજારોમાં જર્મનીનો DAX ઇન્ડેક્સ લગભગ 5% ઘટીને 19,590 પર પહોંચી ગયો; શરૂઆતના વેપારમાં એ લગભગ 10% ઘટ્યો હતો. યુકેનો FTSE 100 ઇન્ડેક્સ લગભગ 4% ઘટ્યો છે.

બજારમાં ઘટાડા માટેનાં 3 કારણ

ટ્રમ્પનો ટેરિફ: અમેરિકાએ ભારત પર 26% ટેરિફ લાદવાની જાહેરાત કરી છે. ભારત ઉપરાંત ચીન પર 34%, યુરોપિયન યુનિયન પર 20%, દક્ષિણ કોરિયા પર 25%, જાપાન પર 24%, વિયેતનામ પર 46% અને તાઇવાન પર 32% ટેરિફ લાદવામાં આવશે.ચીને શુક્રવારે અમેરિકા પર 34% ટેરિફ લાદવાની જાહેરાત કરી. નવો ટેરિફ 10 એપ્રિલથી અમલમાં આવશે. 3 એપ્રિલના રોજ, યુએસ રાષ્ટ્રપતિ ટ્રમ્પે સમગ્ર વિશ્વમાં ટિટ-ફોર-ટેટ ટેરિફ લાદ્યા. આમાં ચીન પર 34%નો વધારાનો ટેરિફ લાદવામાં આવ્યો. હવે ચીને અમેરિકા પર પણ આ જ ટેરિફ લાદ્યો છે.આર્થિક મંદી અંગે ચિંતા: જો ટેરિફને કારણે માલ મોંઘો થશે તો લોકો ઓછી ખરીદી કરશે, જે અર્થતંત્રને ધીમું કરી શકે છે. ઉપરાંત ઓછી માગને કારણે ક્રૂડ ઓઇલના ભાવમાં પણ ઘટાડો થયો છે. આ નબળી આર્થિક પ્રવૃત્તિનો સંકેત છે.

હોંગકોંગનો હેંગસેંગ 13.22% ઘટ્યો, ચીની સૂચકાંક પણ 6.50% ઘટ્યો

એશિયન બજારોમાં જાપાનનો નિક્કી 7.83%, કોરિયાનો કોસ્પી ઇન્ડેક્સ 5.57%, ચીનનો શાંઘાઈ ઇન્ડેક્સ 7.34% ઘટ્યો. હોંગકોંગનો હેંગ સેંગ ઇન્ડેક્સ 13.22% ઘટ્યો.
ભારતીય બજાર સૂચકાંક સેન્સેક્સ 2.95% ઘટીને 73,137 પર બંધ થયો. નિફ્ટીમાં પણ 742 પોઈન્ટ (3.24%)નો ઘટાડો થયો. એ 22,161ના સ્તરે બંધ થયો.
ફાઇનાન્શિયલ એક્સપર્ટ જિમ ક્રેમરે 1987 જેવો ‘બ્લેક મન્ડે’ આવવાની આગાહી કરી છે. ક્રેમરે કહ્યું હતું કે આજે યુએસ માર્કેટ 22% ઘટી શકે છે.

આ પણ વાંચો:પાકિસ્તાનને એક પછી એક નવા આંચકા, બલૂચિસ્તાનમાં સેનાના કાફલા પર BLAનો હુમલો

આ પણ વાંચો:પાકિસ્તાની સેનાએ ફરી પોતાનું નિવેદન બદલ્યું, હવે જણાવ્યું કે ટ્રેન હુમલામાં તેના કેટલા સૈનિકો માર્યા ગયા

આ પણ વાંચો:‘પાકિસ્તાનને સદ્બુદ્ધિ આવશે અને તે…’ ભારત-પાકિસ્તાન સંબંધો પર પીએમ મોદીનું મોટું નિવેદન