ઉત્તર પ્રદેશમાં કાર અકસ્માતનો ચોંકાવનારો કિસ્સો સામે આવ્યો છે. હાથરસ નજીક શુક્રવારે મોડી રાત્રે કાર અકસ્માતમાં એક જ પરિવારના ચાર લોકો આગમાં ભસ્મીભૂત થઇ ગયા હતા.
કાર કોતવાલી ગામથી પાછી ફરી રહી હતી તે દરમ્યાન આ અકસ્માત થયો છે. ચારેય મૃતક એક જ પરિવારના સભ્યો છે.
આ પરિવાર લગ્નના પ્રસંગ પરથી પાછો ફરી રહ્યો હતો તે દરમ્યાન તેમની સ્વીફ્ટ કાર રસ્તા પર પલટી ખાઈ ગઈ હતી. ત્યારબાદ કારમાં આગ લાગી હતી.
કાર ચાલક યોગેશ આ અકસ્માતમાં બચી ગયા પરંતુ તેમની પત્ની અને બાળકો આગમાં ભસ્મીભૂત થઇ ગયા હતા.