Lucknow Supergiant Auction: IPL 2023ની તૈયારીઓ પૂરજોશમાં ચાલી રહી છે. BCCIની સાથે તમામ ટીમોએ પોતાના પ્લાનિંગ પર કામ કરવાનું શરૂ કરી દીધું છે. IPL મીની ઓક્શન ડિસેમ્બરના અંતિમ સપ્તાહમાં યોજાવાની છે. અને તમામ ટીમના માલિકો આ હરાજીમાં પોતાની ટીમને મજબૂત કરવા ઈચ્છે છે. તમામ ટીમોએ પોતાના ટાર્ગેટ ખેલાડીઓની યાદી તૈયાર કરી છે. આજે તમને જણાવીએ છીએ કે લખનૌ સુપરજાયન્ટ્સ આ હરાજીમાં ક્યા ખેલાડીઓને નિશાન બનાવી શકે છે, જેથી તેમની તાકાત વધુ વધે. આ સિઝનમાં ફરી એકવાર ટીમની નજર આ વર્ષની પ્રથમ IPL ટ્રોફી પર છે. તમને જણાવી દઈએ કે ટીમ IPLની ગત સિઝનમાં જ આવી હતી. જોકે ટીમે માત્ર સરેરાશ પ્રદર્શન જ દર્શાવ્યું હતું. હવે કેએલ રાહુલની ટીમ ધમાલ મચાવવા માટે તૈયાર છે.
સેમ બિલિંગ્સ ઈંગ્લેન્ડનો મહાન વિકેટ કીપર બેટ્સમેન છે. ગત સિઝન સુધી કોલકાતાની ટીમ તરફથી રમતા જોવા મળતા હતા. પરંતુ આ વખતે ટીમે તેને પોતાની સાથે જોડ્યો નથી. આવી સ્થિતિમાં લખનૌની ટીમે પોતાની નજર વિકેટ કીપર બેટ્સમેન પર રાખી છે. સેમ બિલિંગ્સના IPL કરિયરની વાત કરીએ તો તેણે 30 મેચમાં 503 રન બનાવ્યા છે. આમાં તેનો સર્વોચ્ચ સ્કોર 56 રહ્યો છે. હવે જોવાનું એ રહે છે કે કેએલ રાહુલનો આ નિર્ણય કેટલો સાચો છે.
મયંક અગ્રવાલ લખનૌ ટીમનો બીજો ટાર્ગેટ ખેલાડી છે. ગત સિઝન સુધી પંજાબની કેપ્ટનશિપ કરનાર મયંક આ સિઝનમાં અન્ય ટીમ સાથે રમતા જોવા મળી શકે છે. હવે જોવાનું એ રહેશે કે લખનૌનો નિર્ણય ટીમના હિતમાં કેટલો પડે છે. IPL કરિયરની વાત કરીએ તો તેણે 123 મેચમાં 2331 રન બનાવ્યા છે.
આ પણ વાંચો: Bhart Jodo Yatra/ રાહુલ ગાંધીની ભારત જોડો યાત્રાના તંબુને સળગાવવાનો પ્રયાસ, પોલીસે 4 લોકોને પકડ્યા
