કોંગ્રેસ અધ્યક્ષ મલ્લિકાર્જુન ખડગે, સોનિયા ગાંધી અને લોકસભામાં પાર્ટીના નેતા અધીર રંજન ચૌધરીને અયોધ્યામાં નિર્માણ થઈ રહેલા ભવ્ય રામ મંદિરમાં આયોજિત થનારા અભિષેક સમારોહમાં હાજરી આપવા માટે આમંત્રણ મોકલવામાં આવ્યું છે. આ નેતાઓને 22 જાન્યુઆરીએ યોજાનાર અભિષેક સમારોહ માટે આમંત્રણ આપવામાં આવ્યું છે. સૂત્રોએ જણાવ્યું કે શ્રી રામ જન્મભૂમિ તીર્થ ક્ષેત્ર ટ્રસ્ટે તેમને આમંત્રણ મોકલ્યું છે પરંતુ કોંગ્રેસના આ વરિષ્ઠ નેતાઓ આ કાર્યક્રમમાં હાજરી આપે તેવી શક્યતા નથી.
મલ્લિકાર્જુન ખડગે, સોનિયા ગાંધી અને અધીર રંજન ચૌધરીને વ્યક્તિગત રીતે આમંત્રણ મોકલવામાં આવ્યું છે. સમારોહ માટે પૂર્વ વડાપ્રધાન મનમોહન સિંહ અને એચડી દેવગૌડાને પણ આમંત્રણ આપવામાં આવ્યું છે. માહિતી અનુશાર ટ્રસ્ટ સાથે સંકળાયેલા લોકોના પ્રતિનિધિ મંડળે આ આમંત્રણો આપ્યા હતા અને આગામી દિવસોમાં અન્ય વિપક્ષી નેતાઓને પણ આમંત્રણ મોકલવામાં આવે તેવી શક્યતા છે.
ટ્રસ્ટે જણાવ્યું હતું કે, વિવિધ પરંપરાઓના આદરણીય સંતો ઉપરાંત, વિવિધ ક્ષેત્રોમાં દેશને ગૌરવ અપાવનાર તમામ અગ્રણી વ્યક્તિઓને આમંત્રણ આપવામાં આવ્યું છે. ટ્રસ્ટે કહ્યું કે નવા તીર્થ ક્ષેત્ર પુરમમાં ‘ટેન્ટ સિટી’ બનાવવામાં આવી છે જેમાં છ ટ્યુબવેલ, છ રસોડા અને 10 બેડની હોસ્પિટલ બનાવવામાં આવી છે. સમગ્ર દેશમાંથી લગભગ 150 ડોકટરો આ હોસ્પિટલમાં રોટેશનના ધોરણે તેમની સેવાઓ આપવા સંમત થયા છે. ટ્રસ્ટે જણાવ્યું છે કે ઉજવણીમાં ભાગ લેવા માટે વિવિધ સંપ્રદાયોના લગભગ 4,000 સંતોને આમંત્રણ આપવામાં આવ્યું છે.
આ પણ વાંચો:મેચના દર્શકોએ 1000 કિલો પ્લાસ્ટિક કચરો કાઢ્યો,કોર્પોરેશને દસ બાંકડા બનાવ્યા
આ પણ વાંચો:ગુજરાતમાં ફરી ઘાતક કોરોનાની રિએન્ટ્રી..! જાણો ક્યાં નોંધાયા
આ પણ વાંચો:વડોદરામાં નકલી રોયલ્ટી પાસનો થયો પર્દાપાશ, સરકારી તિજોરીને 3 લાખ ઉપરાંતનું નુકશાન