આમ આદમી પાર્ટી જેવી રીતે વિધાનસભા ચૂંટણી પ્રચારમાં અગ્રેસર રહી છે. એની આ ચૂંટણીની તૈયારીઓ દરમિયાન હવે AAPની રાજકીય માન્યતા રદ થઈ શકે છે. ઉલ્લેખનીય છે કે રાજકોટની પ્રેસ કોન્ફરન્સ દરમિયાન સનદી સેવાઓનો ભંગ કર્યો હોવાનો મામલો સામે આવ્યો છે. તેમણે પોતાના ભાષણ દરમિયાન સરકારી કર્મચારીઓને આમ આદમી પાર્ટીમાં જોડાવા નિવેદન કર્યું હતું. તેના વિરૂદ્ધ ફરિયાદ નોંધવી છે.
રાષ્ટ્રીય સંયોજક અરવિંદ કેજરીવાલ દ્વારા ચૂંટણી પ્રતીકો (આરક્ષણ અને ફાળવણી) ઓર્ડર, 1968 ના ઓર્ડર 16A હેઠળ નિર્ધારિત કેટલાક ગંભીર ઉલ્લંઘનો થઈ રહ્યાં છે. આ મામલે દેશના 57 મપૂર્વ સનદી અધિકારીઓ ચૂંટણીપંચ સમક્ષ પહોંચ્યા છે અને આપની માન્યતા રદ કરવા માટે રજૂઆત કરી છે. જેઓએ પત્ર લખ્યો છે કે કેજરીવાલ ખુલ્લેઆમ રેવડી કલ્ચર અને ગેરંટીઓ દ્વારા જાહેર સેવકોને “આપ માટે કામ” કરવા માટે છટાદાર રીતે પ્રેરિત કરી રહ્યાં છે. કેજરીવાલે અવગણ્યું કે સિવિલ સેવકો આચાર સંહિતાથી બંધાયેલા છે. તેમની અસ્વીકાર્ય ટિપ્પણીઓ દ્વારા જાહેર સેવકોને સત્તામાં રહેલા રાજકીય પક્ષોના કર્મચારીઓ તરીકે ઉતારી દેવામાં આવ્યા છે. વાસ્તવિકતા જે AAP ભૂલી ગઈ હોય તેવું લાગે છે કે જાહેર સેવકો રાજકીય પક્ષો પ્રત્યે કોઈ વફાદારી ધરાવતા નથી. તેમની જવાબદારી વ્યાપકપણે જાહેર કલ્યાણ અને સુરક્ષાને આગળ વધારવા માટે કામ કરવાની છે. અમે ચૂંટણી પ્રતીકો (આરક્ષણ અને ફાળવણી) ઓર્ડર, 1968 ના ઓર્ડર 16A હેઠળ રાષ્ટ્રીય આચાર તરીકે AAPને તેના સ્પષ્ટ ઉલ્લંઘનને કારણે માન્યતા પ્રાપ્ત રાજકીય પક્ષ તરીકેની માન્યતા પાછી ખેંચી લેવા ECIને વિનંતી કરીએ છીએ. AAP ના કન્વીનરે આદર્શ આચાર સંહિતાનો ભંગ કર્યો છે અને તે લોકોના પ્રતિનિધિત્વ અધિનિયમ, 1951 ની જોગવાઈઓનું પણ ગંભીર ઉલ્લંઘન કર્યું છે.
