સ્વીડનના પ્રથમ મહિલા PM મેગડાલેના એન્ડરસને બુધવારે રાજીનામું આપી દીધું છે. ખાસ વાત એ છે કે પીએમ તરીકે ચૂંટાયાના 12 કલાકમાં જ તેમનું રાજીનામું આપી દીધું હતું. વાસ્તવમાં ગઠબંધનમાં સામેલ ગ્રીન પાર્ટીએ સરકારને આપેલું સમર્થન પાછું ખેંચી લીધું હતું. ત્યારબાદ એન્ડરસને પોતાના પદ પરથી રાજીનામું આપી દીધું હતું. સમર્થન પાછું ખેંચવાથી એન્ડરસન સરકાર અનિશ્ચિતતામાં ધકેલાઈ ગઈ હતી. ગઠબંધન સરકારે સંસદમાં બજેટ બિલ રજૂ કર્યું હતું પરંતુ તે પસાર થઈ ગયું. આ પછી ગ્રીન પાર્ટીએ સરકારથી અલગ થવાનો નિર્ણય કર્યો.
આ પણ વાંચો :અમેરિકામાં શાળા ખુલતાં જ કોરોના વિસ્ફોટ,સાત દિવસમાં આટલા બાળકો કોરોના સંક્રમિત…
રાજીનામા બાદ એન્ડરસને મીડિયા સાથેની વાતચીતમાં કહ્યું, ‘મેં સ્પીકરને વિનંતી કરી છે કે તેઓ મને વડાપ્રધાન પદની ફરજોમાંથી મુક્ત કરે. હું એક પક્ષની સોશિયલ ડેમોક્રેટ સરકારની વડાપ્રધાન બનવા તૈયાર છું. તે જ સમયે, સ્પીકર એન્ડ્રેસ નોર્લેને કહ્યું કે તેઓ વર્તમાન રાજકીય પરિસ્થિતિ પર ચર્ચા કરવા માટે દેશના 8 પક્ષોના નેતાઓનો સંપર્ક કરશે. સ્પીકર ગુરુવારે 340 બેઠકોની સંસદ માટે આગામી કાર્યવાહીની જાહેરાત કરશે.
આ પણ વાંચો :ફાંસથી ઇંગ્લેન્ડ જઇ રહેલા પ્રવાસીઓની નાવ પલટી જતાં 20 લોકોનાં મોત…
એન્ડરસને પત્રકારોને જણાવ્યું હતું કે, “તે મારા માટે સન્માનનો પ્રશ્ન છે, પરંતુ હું એવી સરકારનું નેતૃત્વ કરવા માંગતી નથી જેની કાયદેસરતા પર સવાલ ઉઠાવવામાં આવે.” એન્ડરસને સંસદના સ્પીકર નોર્લિનને કહ્યું છે કે તે હજુ પણ “સામાજિક લોકશાહી” એકલ-પક્ષીય સરકારનું નેતૃત્વ કરવા આતુર છે. તેમણે કહ્યું કે જો એક પક્ષ સરકારને સમર્થન પાછું ખેંચે તો ગઠબંધન સરકારે રાજીનામું આપવું જોઈએ.
આ પણ વાંચો :રશિયાના રાષ્ટ્રપતિ પુતિને વેક્સિનનો બુસ્ટર ડોઝ લીધો
સ્વીડનની 349 સભ્યોની સંસદમાં 117 સભ્યોએ એન્ડરસનની તરફેણમાં જ્યારે 174 સભ્યોએ વિરોધમાં મતદાન કર્યું હતું. આવી સ્થિતિમાં, સ્વીડનના બંધારણ મુજબ, જો 175 સાંસદો કોઈ ઉમેદવારની વિરુદ્ધ નથી, તો તેમને વડાપ્રધાન તરીકે નિયુક્ત કરી શકાય છે. તેથી જ તેમને વડાપ્રધાન બનાવવામાં આવ્યા હતા.
જણાવી દઈએ કે મેંગડાલેનને સ્ટેફન લોફવેનની જગ્યાએ વડાપ્રધાન બનાવવામાં આવ્યા હતા કારણ કે લોફવેને આ વર્ષની શરૂઆતમાં વડાપ્રધાન પદ પરથી રાજીનામું આપ્યું હતું. જો કે હાલમાં તેઓ રખેવાળ વડા પ્રધાનની જવાબદારી સંભાળી રહ્યા હતા. તે જ સમયે, એન્ડરસન વડાપ્રધાન બનાવ્યા પહેલા નાણાં પ્રધાન હતા.
આ પણ વાંચો :ડિજિટલ વર્લ્ડ પર પણ સરકારોની ધોંસ
આ પણ વાંચો :અમેરિકામાં ફરી વકર્યો કોરોના, દરરોજ 92 હજારથી વધુ કેસ સામે આવી રહ્યા છે
