કોરોનાવાયરસનો કહેર અટકવાનું નામ જ નથી લઇ રહ્યો. ચીનમાં મંગળવારે કોરોનાવાયરસને કારણે 107 લોકોએ જીવ ગુમાવ્યો હતો. અત્યાર સુધીમાં 1110 લોકોનાં મોત નીપજ્યાં છે. હુબેઇ હેલ્થ કમિશન અનુસાર સોમવારે 3000 જેટલા નવા કેસ નોંધાયા છે અને ચીનમાં અત્યાર સુધીમાં 44,200 થી વધુ કેસની પુષ્ટિ થઈ છે.
એવું માનવામાં આવું રહ્યું છે કે આ વાયરસ ગયા વર્ષે હુબેઇ પ્રાંતની રાજધાની વુહાનના બજારમાંથી ફેલાયો છે, જ્યાં ગયા વર્ષે જંગલી પ્રાણીઓનું વેચાણ થાય છે. બીજી તરફ, ડબ્લ્યુએચઓનાં વડા તેદરોસ અદહાનોમ ગેબ્રેઇસેસે મંગળવારે કહ્યું હતું કે તેના 99 ટકા કેસ ચીનમાં છે, તેમ છતાં તે આખા વિશ્વ માટે મોટો ખતરો છે.
તેમણે તમામ દેશોને આ સંદર્ભે થયેલા સંશોધનની માહિતી શેર કરવા અપીલ કરી છે. બ્રુસ એલ્વર્ડ (કટોકટીની આરોગ્યની સ્થિતિનો દિગ્ગજ) આગેવાની હેઠળની વર્લ્ડ હેલ્થ ઓર્ગેનાઇઝેશન (ડબ્લ્યુએચઓ) ના આંતરરાષ્ટ્રીય નિષ્ણાતોની એક ટીમ સોમવારે રાત્રે અહીં આવી હતી.
ટીમે કોરોનાવાયરસના પ્રકોપને પહોંચી વળવા મંગળવારે ચીનના આરોગ્ય અધિકારીઓ સાથે ચર્ચા શરૂ કરી હતી. મંગળવારે, ચીની સત્તાવાળાઓએ બે વરિષ્ઠ આરોગ્ય અધિકારીઓને હુબેઇ કાઢી મુક્યા અને તેની રાજધાની, વુહાનમાં નિયંત્રણો કડક કર્યા. પહેલેથી જ લાખો લોકો પ્રતિબંધોના ઘેરા હેઠળ છે.
બીજી બાજુ કોરોનાવાયરસની અસર હવે ચીનના અર્થતંત્ર પર પણ જોવા મળી રહી છે. ગઈકાલે સેન્સેક્સમાં 3 ટકાનો ઘટાડો થયો હતો. કોરોનાવાયરસને લઈને વિશ્વના ઘણા દેશો એલર્ટ પર છે. કોરોનાવાયરસને રોકવા માટે મંગળવાર સુધીમાં 3 લાખથી વધુ લોકોએ ભારતીય વિમાની મથકો પર થર્મલ સ્ક્રિનીંગ કરાવી હતી. કોરોનાવાયરસ દર્દીઓની તપાસ માટે 18 જાન્યુઆરીથી થર્મલ સ્ક્રિનિંગ સતત કરવામાં આવી રહ્યું છે. ભારતમાં અત્યાર સુધી 3 કોરોના કેસ સામે આવ્યા છે.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન.
