રાજસ્થાન/ વિશ્વનું ત્રીજું સૌથી મોટું ક્રિકેટ સ્ટેડિયમ પિંક સિટીમાં બનશે, જાણો છે ખાસ

વિશ્વનું ત્રીજું સૌથી મોટું ક્રિકેટ સ્ટેડિયમ જયપુર જે પિંકી સિટી તરીકે પ્રખ્યાત છે ત્યાં બનાવવામાં આવશે. આ સ્ટેડિયમમાં 75,000 લોકોની બેસવાની ક્ષમતા હશે. તેનું નિર્માણ બે તબક્કામાં કરવામાં આવશે. જયપુર ડેવલપમેન્ટ ઓથોરિટીએ આ વિશાળ સ્ટેડિયમ માટે રાજસ્થાન ક્રિકેટ એસોસિએશનને જમીન ફાળવી છે. આ સ્ટેડિયમ ચોપ ગામમાં દિલ્હી રોડ પર બનાવવામાં આવશે. તેના નિર્માણ પછી, વિશ્વના પ્રથમ અને ત્રીજા સૌથી મોટા ક્રિકેટ સ્ટેડિયમનો રેકોર્ડ ભારતમાં નોધાશે.

જાણો શું ખાસ રહેશે

જયપુરના આ નવા સ્ટેડિયમમાં 75,000 લોકોની બેસવાની ક્ષમતા હશે અને તે બે તબક્કામાં બનાવવામાં આવશે. પ્રથમ તબક્કા હેઠળ, તેમાં 45,000 લોકોની ક્ષમતા સાથે બનાવવામાં આવશે, જ્યારે બીજા તબક્કામાં તેની ક્ષમતા 30,000 સુધી વધારવામાં આવશે. રાજસ્થાન ક્રિકેટ એસોસિએશન (આરસીએ) ના કમિશનર ગૌરવ ગોયલે જણાવ્યું હતું કે સ્ટેડિયમનું નિર્માણ લગભગ 100 એકર જમીનમાં થશે અને લગભગ 650 કરોડના રોકાણ સાથે 2.5-3 વર્ષમાં પૂર્ણ થશે.

BCCIએ 100 કરોડની ગ્રાન્ટ આપી હતી

ગોયલના જણાવ્યા અનુસાર, BCCIએ લોન દરમિયાન 100 કરોડની ગ્રાન્ટ આપી છે. 100 કરોડ એકત્રિત કરવામાં આવશે. આરસીએ અને અન્ય લોકો દ્વારા 90 કરોડ રૂપિયા એકત્રિત કરવામાં આવશે. પ્રથમ તબક્કા હેઠળ 400 કરોડનું રોકાણ કરવામાં આવશે. આરસીએ 100 કરોડની લોન લેશે, 90 કરોડ રૂપિયા કોર્પોરેટ બોક્સ દ્વારા જમા કરવામાં આવશે. નવા પ્રેક્ટિસના મેદાન ઉપરાંત નવા સ્ટેડિયમમાં એકેડેમી, ક્લબ હાઉસ હોટલ અને અન્ય તમામ અદ્યતન સુવિધાઓ પણ હશે, જે તમામ આંતરરાષ્ટ્રીય સ્ટેડિયમમાં ઉપલબ્ધ છે.

વિશ્વનું સૌથી મોટું ક્રિકેટ સ્ટેડિયમ અમદાવાદમાં છે

અત્રે નોધનીય છે કે, હાલમાં વિશ્વનું સૌથી મોટું ક્રિકેટ સ્ટેડિયમ ભારતમાં છે. સૌથી મોટું સ્ટેડિયમ- નરેન્દ્ર મોદી સ્ટેડિયમ અમદાવાદમાં આવેલું છે. તેની ક્ષમતા 1.10 લાખ દર્શકોની છે. બીજુ સૌથી મોટું ક્રિકેટ સ્ટેડિયમ ઓસ્ટ્રેલિયાના મેલબોર્નમાં સ્થિત છે. મેલબોર્ન ક્રિકેટ ગ્રાઉન્ડની ક્ષમતા 90 હજાર દર્શકોની છે.

The Hundred / મહિલા ક્રિકેટ ખેલાડીઓએ લાખો રૂપિયાની ઓફરને નકારી, નવી લીગમાં રમવાનો કર્યો ઇનકાર