સુરતમાં આજે જોવા મળશે નવ નિયુક્ત ગુજરાત ભાજપ પ્રદેશ પ્રમુખ સી.આર.પાટીલનું શક્તિપ્રદર્શન. જી હા, સી આર પાટીલ ગુજરાત ભાજપ પ્રદેશ પ્રમુખ બન્યા બાદ આજે પહેલી વખત સુરત પહોંચી રહ્યા છે. સી.આર.પાટીલનું કાર રેલી યોજીને સુરત ખાતે ભવ્ય સ્વાગત કરવામાં આવશે. સુરત નજીક વાલક પાટિયાથી સુરતમાં અવેલ અધ્યક્ષના કાર્યાલય સુધી આ રેલી યોજવામાં આવી રહી છે.
જો કે, રાજ્યમાં અને ખાસ કરીને હાલમાં સુરતમાં જે રીતે કોરોના કહેર વરસાવી રહ્યો છે, તે જોતા તેમજ સરકાર દ્વારા કોરોના માર્ગદર્શીકા જાહેર કરવામાં આવી છે તે ને અનુલક્ષીને રેલીમાં સોશિયલ ડિસ્ટનસિંગનું પાલન જોવામાં આવશે. કાર રેલી સાથે 1000 મીટર લાંબા ભાજપના ધ્વજ સાથે નવ નિયુક્ત ગુજરાત ભાજપ પ્રદેશ પ્રમુખ સી.આર.પાટીલનું સ્વાગત કરવામાં આવશે. સ્વાગત કાર્યક્રમમાં સુરત અને બારડોલીના સાંસદ હાજર રહેશે. સાથે સાથે સુરત ભાજપનાં તમામ ધારાસભ્યો પણ હાજરી આપશે.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને FaceBook, Twitter, Instagram અને YouTubeપર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “Mantavya News” ની નવી મોબાઇલ એપ્લિકેશન….
