રોહતાંગમાં હિમવર્ષાને કારણે અટલ ટનલ પાસે ફસાયા 300 પ્રવાસીઓ, પોલીસેબચાવ કામગીરી હાથ ધરી

Rohtang/ રોહતાંગમાં હિમવર્ષાને કારણે અટલ ટનલ પાસે ફસાયા 300 પ્રવાસીઓ, પોલીસેબચાવ કામગીરી હાથ ધરી

રોહતાંગમાં અટલ ટનલના સાઉથ પોર્ટલ (SP) પાસે ભારે હિમવર્ષાને કારણે લગભગ 300 પ્રવાસીઓ ફસાયા હતા, જે બાદ પોલીસને તાત્કાલિક એલર્ટ કરવામાં આવી હતી અને તેમને બચાવી લેવામાં આવ્યા હતા. મામલો મંગળવારનો છે.

એસપીનું નિવેદન બહાર આવ્યું છે

કુલ્લુના એસપી સાક્ષી વર્માએ જણાવ્યું કે, ‘લગભગ 50 વાહનો અને હિમાચલ રોડ ટ્રાન્સપોર્ટ કોર્પોરેશન (HRTC)ની બસ ATRના સાઉથ પોર્ટલ (SP) પાસે ફસાઈ ગઈ હતી, જેમાં લગભગ 300 પ્રવાસીઓ મુસાફરી કરી રહ્યા હતા. તમામ પ્રવાસીઓને એટીઆરમાંથી બહાર કાઢવામાં આવ્યા છે.

#WATCH | Kullu, Himachal Pradesh: Police rescue 300 tourists stranded near the South Portal (SP) of Atal Tunnel in Rohtang after snowfall. (30.1)

(Source: Kullu District Police) pic.twitter.com/4Aga3jG5vd

— ANI (@ANI) January 30, 2024

હિમાચલમાં હવામાન કેવું રહેશે?

સ્થાનિક હવામાન વિભાગના જણાવ્યા અનુસાર, 30 જાન્યુઆરીથી 3 ફેબ્રુઆરી સુધી હિમાચલ પ્રદેશના ઉચ્ચ વિસ્તારોમાં ભારે હિમવર્ષા અને વરસાદની સંભાવના છે. ઉપરાંત, રાજ્યના નીચલા પહાડી અને મેદાની વિસ્તારોમાં પ્રસંગોપાત વાવાઝોડાં અને વીજળી પડી શકે છે, જ્યારે મધ્ય અને ઉચ્ચ ટેકરીઓના અલગ-અલગ વિસ્તારોમાં આ સમયગાળા દરમિયાન ભારે પવન ફૂંકાશે.

હવામાન વિભાગનું કહેવું છે કે આ સમયગાળા દરમિયાન સરેરાશ મહત્તમ તાપમાન સામાન્ય કરતાં નીચું રહેવાની શક્યતા છે, જ્યારે લઘુત્તમ તાપમાન નીચલા ટેકરીઓમાં સામાન્ય અને મધ્યમ અને ઉચ્ચ ટેકરીઓમાં સામાન્ય કરતાં ઓછું રહેશે.