Ahmedabad News: અમદાવાદ શહેરના ગોમતીપુર વિસ્તારમાં થયેલા પાડોશી વચ્ચેના વિવાદ બાદ 22 વર્ષીય યુવકના મોતનો મામલો (Gomtipur Abetment Case) સામે આવ્યો છે. મૃતકના પિતાની ફરિયાદના આધારે બાપુનગર પોલીસે પાડોશી સામે આત્મહત્યાની દુષ્પ્રેરણાનો ગુનો નોંધી તપાસ શરૂ કરી છે. ફરિયાદમાં યુવકને મારામારી બાદ સતત માનસિક ત્રાસ આપવામાં આવ્યો હોવાનો આક્ષેપ કરવામાં આવ્યો છે.
પ્રાપ્ત વિગતો મુજબ, ગોમતીપુરની જૂની કસ્તુરભાઈની ચાલીમાં રહેતા શાકભાજીના વેપારીના 22 વર્ષીય પુત્ર કિરણનો 18 જુલાઈ, 2026ના રોજ ઘર બહાર પાણી ઢોળાવા બાબતે પાડોશી મોન્ટુ પટણી સાથે વિવાદ (Neighbour Dispute) થયો હતો. ફરિયાદ મુજબ આ દરમિયાન ગાળાગાળી અને મારામારી થઈ હતી તેમજ યુવકને ધમકી આપવામાં આવી હતી.
Gomtipur Abetment Case: પરિવારજનોએ યુવકને બાપુનગર મોકલ્યો હતો
વિવાદ બાદ વધુ કોઈ તકરાર ન થાય તે માટે પરિવારજનોએ કિરણને બાપુનગર ખાતે તેના બનેવીના ઘરે મોકલી આપ્યો હતો. જોકે, ફરિયાદ મુજબ ત્યારબાદ પણ પાડોશી તરફથી યુવકને ફોન કરવામાં આવ્યો હતો અને તેને માનસિક રીતે પરેશાન કરવામાં આવ્યો હોવાનો આક્ષેપ છે.આ ઘટનાક્રમ બાદ યુવકનું બાપુનગર વિસ્તારમાં મોત થયું હતું. પરિવારજનો તેને સારવાર માટે સિવિલ હોસ્પિટલ લઈ ગયા હતા, જ્યાં તબીબોએ તેને મૃત જાહેર કર્યો હતો.
પિતાની ફરિયાદ બાદ પોલીસ કાર્યવાહી
યુવકના પોસ્ટમોર્ટમ અને અંતિમવિધિ બાદ તેના પિતાએ 5 ઓક્ટોબરે બાપુનગર પોલીસ (Bapunagar Police) સ્ટેશનમાં ફરિયાદ નોંધાવી હતી. ફરિયાદમાં પાડોશી મોન્ટુ પટણી સામે યુવકને માનસિક ત્રાસ આપીને આત્મહત્યા માટે દુષ્પ્રેરિત કરવાનો આક્ષેપ (Gomtipur Crime) કરવામાં આવ્યો છે.બાપુનગર પોલીસે આક્ષેપોના આધારે આરોપી સામે આત્મહત્યાની દુષ્પ્રેરણાનો ગુનો નોંધી વધુ તપાસ હાથ ધરી છે. પોલીસ સમગ્ર ઘટનાક્રમ, બંને વચ્ચેના અગાઉના વિવાદ અને ફોન પર થયેલી વાતચીત સહિતના મુદ્દાઓની તપાસ કરી રહી છે.
આ પણ વાંચો: અમદાવાદ CTM ડબલ ડેકર બ્રિજ પરથી યુવકે ઝંપલાવ્યું, અઠવાડિયામાં બીજી ઘટના
આ પણ વાંચો: સુરતમાં ધોરણ-12ના વિદ્યાર્થીનું મોત, અંતિમ વીડિયો મળતાં પોલીસ તપાસમાં
આ પણ વાંચો: સોશિયલ મીડિયા લાઇવ બાદ દાહોદમાં સગીરા-યુવકનું મોત, કારણ શોધવા પોલીસ તપાસ
