ભારત અને ઈંગ્લેન્ડ વચ્ચે ચાર ટેસ્ટ મેચની શ્રેણીની છેલ્લી મેચ 4 માર્ચથી અમદાવાદનાં નરેન્દ્ર મોદી ક્રિકેટ સ્ટેડિયમમાં રમાવાની છે. આ મેચમાં અશ્વિનને બે મોટા રેકોર્ડ તોડવાની તક મળશે. વિશેષ કિસ્સામાં, અશ્વિન ટીમ ઈન્ડિયાનાં દિગ્ગજ ઝડપી બોલર ઝહીર ખાનને પાછળ છોડી શકે છે, જ્યારે એક ખાસ વર્લ્ડ રેકોર્ડ પણ તેના નામે થઇ શકે છે. અશ્વિને પ્રથમ ત્રણ ટેસ્ટમાં શાનદાર બોલિંગ કરી છે અને તેની અંતિમ ટેસ્ટમાં પણ આશા રાખવામાં આવશે. અશ્વિન છેલ્લી ટેસ્ટ મેચમાં ભારત માટે સૌથી ઝડપી 400 વિકેટ લેનારો બોલર બન્યો હતો.
Cricket / ટીમ ઈન્ડિયાનાં ઝડપી બોલર જસપ્રીત બુમરાહ જલ્દી જ લગ્નગ્રંથીથી જોડાશે
આપને જણાવી દઇએ કે, સૌથી ઝડપી 400 ટેસ્ટ વિકેટ લેવાનાં કિસ્સામાં અશ્વિનથી આગળ માત્ર શ્રીલંકાનાં પૂર્વ સ્પિનર મુથૈયા મુરલીધરન છે. જો અશ્વિન ચોથી ટેસ્ટમાં ઈંગ્લેન્ડ સામે 10 વિકેટ લે છે, તો ચાર ટેસ્ટ મેચની શ્રેણીમાં ઈંગ્લેન્ડ સામે સૌથી વધુ વિકેટ લેવાનો વર્લ્ડ રેકોર્ડ તેના નામે નોંધાશે. અશ્વિને આ સિરીઝમાં અત્યાર સુધીમાં 24 વિકેટ ઝડપી છે અને 10 વિકેટથી તેનો આ આંકડો 34 પર પહોંચી જશે. ઈંગ્લેન્ડ સામેની ચાર ટેસ્ટ મેચની શ્રેણીમાં સૌથી વધુ વિકેટ લેવાનો રેકોર્ડ હાલમાં વેસ્ટ ઇન્ડીઝનાં આલ્ફ્રેડ વેલેન્ટાઇન પાસે છે. વેલેન્ટાઇને 1950 માં ઈંગ્લેન્ડ સામેની ચાર ટેસ્ટ મેચની શ્રેણીમાં 33 વિકેટ ઝડપી હતી.
Cricket / અમે ચોથી ટેસ્ટ ઓસ્ટ્રેલિયાની મદદ કરવા નહી પણ ભારતમાં કઇક ખાસ કરવા ઉતરીશું: રૂટ
અશ્વિને અત્યાર સુધીમાં કુલ 603 (401 ટેસ્ટ, 150 વનડે આંતરરાષ્ટ્રીય અને 52 ટી-20 આંતરરાષ્ટ્રીય) આંતરરાષ્ટ્રીય વિકેટ ઝડપી છે. વળી ઝહીર ખાને કુલ 610 (311 ટેસ્ટ, 282 વન ડે આંતરરાષ્ટ્રીય, 17 ટી-20 આંતરરાષ્ટ્રીય) આંતરરાષ્ટ્રીય વિકેટ લીધી છે. જો આ મેચમાં અશ્વિન આઠ વિકેટ લે છે, તો તે ઝહીર ખાનને પાછળ છોડી દેશે. જો આવું થાય, તો તે ભારત તરફથી સૌથી વધુ આંતરરાષ્ટ્રીય વિકેટ લેવાની દ્રષ્ટિએ ચોથા ક્રમે આવશે, અનિલ કુંબલે (956), હરભજન સિંહ (711) અને કપિલ દેવ (687) પછી, હવે અશ્વિન પાંચમાં સ્થાને છે.
મંતવ્ય ન્યૂઝ દ્વારા જાહેર અપીલ –
નાગરીકોની શિસ્તબધ્ધતા અને તંત્રની અથાગ મહેનતનાં કારણે ગુજરાતમાં કોરોના નામશેષ થવાનાં આરે પહોંચી ચૂક્યો છે. ગાફેલ રહેવાની બીલકુલ જરુર નથી કારણ કે કોરોનાની સંપૂર્ણ નાબૂદીમાં હજુ થોડો સમય લાગશે. જો કે, ગુજરાતનાં આ સદનસીબ છે કે કોરોનાની ચાલ મંદી પડી છે, બાકી વિશ્વનાં અનેક દેશમાં આજે પણ કોરોના કહેર વર્તાવી જ રહ્યો છે. આવા સમયે અમે મંતવ્ય ન્યૂઝ તમામ નાગરીકોને અપીલ કરીએ છીએ કે, કોરોનાથી ડરવાની નહીં, પરંતુ સંયમ સાથે વર્તવાની જરુર છે અને જે આપણે કરી પણ બતાવ્યું છે. છતા પણ બને તેટલો જાહેર સંપર્ક ટાળો, કોરોના માર્ગદર્શીકા અને સરકારનાં સૂચનોનું ચુસ્તપણે પાલન કરો અને સ્વજનોને પણ કરાવો. આ કાળમાં તકેદારીએ જ સ્વસ્થ્ય હોય, ચાલો સંયમ સાથે નિયમોનું પાલન કરી એક જાગૃત નાગરીકની ફરજ બજાવીએ…
