પંજાબમાં સત્તાની બાગડોર સંભાળતાની સાથે જ મુખ્યમંત્રી ભગવંત માને શુક્રવારે બેરોજગારી દૂર કરવા માટે મોટો નિર્ણય લીધો હતો. પંજાબ કેબિનેટે શનિવારે કુલ 25,000 સરકારી નોકરીઓ પ્રદાન કરવાનો ઠરાવ પસાર કર્યો હતો, જેમાં પંજાબ પોલીસ વિભાગમાં 10,000 અને અન્ય સરકારી વિભાગોમાં 15,000 ખાલી જગ્યાઓનો સમાવેશ થાય છે.
પંજાબમાં નવી સરકારની રચના બાદ શનિવારે ભગવંત માન કેબિનેટની પ્રથમ બેઠક મળી હતી. આ બેઠકમાં રાજ્યમાં બેરોજગારી દૂર કરવા માટે પહેલું પગલું લેવામાં આવ્યું હતું. પંજાબ કેબિનેટની બેઠક પહેલા મંત્રીઓને શપથ લેવડાવવામાં આવ્યા હતા. મુખ્ય પ્રધાન ભગવંત માનની આગેવાની હેઠળની કેબિનેટમાં એક મહિલા સહિત દસ આમ આદમી પાર્ટી (AAP) ધારાસભ્યોનો સમાવેશ કરવામાં આવ્યો હતો.
રાજ્યપાલ બનવારીલાલ પુરોહિતે પંજાબ ભવનમાં મંત્રીઓને પદ અને ગુપ્તતાના શપથ લેવડાવ્યા હતા. આ 10 મંત્રીઓમાંથી 8 પ્રથમ વખત ધારાસભ્ય બન્યા છે. તમામે પંજાબી ભાષામાં શપથ લીધા હતા. હરપાલ સિંહ ચીમા, હરભજન સિંહ, ડૉ. વિજય સિંગલા, લાલ ચંદ, ગુરમીત સિંહ મીત હેર, કુલદીપ સિંહ ધાલીવાલ, લાલજીત સિંહ ભુલ્લર, બ્રહ્મ શંકર ઝિમ્પા, હરજોત સિંહ બૅન્સ અને ડૉ. બલજીત કૌરને શપથ લેવડાવ્યા હતા. કેબિનેટમાં મુખ્યમંત્રી સહિત 18 પદો છે.
પંજાબના મુખ્યમંત્રી તરીકે શપથ લીધા બાદ ભગવંત માને કહ્યું હતું કે તેઓ પહેલા રાજ્યમાં બેરોજગારી દૂર કરવા માટે કામ કરશે. તેમણે કહ્યું કે તેમની સરકારની પ્રથમ પ્રાથમિકતા બેરોજગારી દૂર કરવાની રહેશે. જેથી લોકોને રોજગારી માટે ભટકવું ન પડે.
Russia vs Ukraine/ હિરોશિમા પર પડેલા પરમાણુ બોમ્બ કરતા પણ વધુ શક્તિશાળી.. યુક્રેન પર પડેલી મિસાઈલ છે ઘણી ઘાતક
Afghanistan/ જો મદદ નહીં મળે તો અફઘાનિસ્તાનમાં 10 લાખ બાળકો ભૂખથી મરી જશે
Ukraine Crisis/ યુક્રેનની આઘાતજનક તસવીરઃ ડરને કારણે કૂતરો બન્યો લકવાગ્રસ્ત, તેને લાચારીમાં છોડતા રડ્યો શખ્સ
Photos/ ઓસ્ટ્રેલિયાના ક્રિકેટર ગ્લેન મેક્સવેલે ભારતીય મૂળની યુવતી સાથે કર્યા લગ્ન, જુઓ વાયરલ તસવીરો
આસ્થા/ કાશીના મણિકર્ણિકા ઘાટ પર રમાતી ચિતાની રાખ સાથેની હોળી, જુઓ ફોટા
