India vs Zimbabwe Tour: ભારત અને ઝિમ્બાબ્વે વચ્ચે 18 ઓગસ્ટથી ODI સિરીઝ શરૂ થઈ રહી છે. કેપ્ટન કેએલ રાહુલના નેતૃત્વમાં ભારતીય ટીમ હરારેમાં પ્રેક્ટિસ કરી રહી છે અને હવે વનડે શ્રેણીનો વારો છે. પરંતુ ટીમ ઈન્ડિયા માટે ચિંતાનો વિષય પણ છે, ઈજાગ્રસ્ત વોશિંગ્ટન સુંદરની બાદબાકીને કારણે ટીમ ઈન્ડિયામાં એક ફેરફાર થયો છે. પ્રથમ વનડે મેચ પહેલા હવે વોશિંગ્ટન સુંદરના સ્થાને ટીમ ઈન્ડિયામાં સામેલ કરવામાં આવ્યો છે. તેના સ્થાને ઓલરાઉન્ડર શાહબાઝ અહેમદને લાવવામાં આવ્યો છે, શાહબાઝે તાજેતરમાં ઈન્ડિયન પ્રીમિયર લીગ-2022માં શાનદાર પ્રદર્શન કર્યું હતું.
બીસીસીઆઈ દ્વારા એક પ્રેસ રિલીઝમાં જણાવવામાં આવ્યું છે કે ઓલ ઈન્ડિયા સિનિયર સિલેક્શન કમિટીએ વોશિંગ્ટન સુંદરની જગ્યાએ શાહબાઝ અહેમદને ટીમ ઈન્ડિયાની ટીમમાં સામેલ કર્યો છે. ઈંગ્લેન્ડમાં કાઉન્ટી ક્રિકેટ રમતી વખતે ખભામાં ઈજાનો ભોગ બનેલા વોશિંગ્ટન સુંદર આ ઈજાને કારણે વનડે શ્રેણીમાંથી બહાર થઈ ગયા છે. ડોમેસ્ટિક ક્રિકેટમાં બંગાળ તરફથી રમતા 27 વર્ષીય શાહબાઝ અહેમદે તાજેતરના ભૂતકાળમાં પોતાના પ્રદર્શનથી બધાને પ્રભાવિત કર્યા છે. ડોમેસ્ટિક ક્રિકેટમાં તેણે 18 મેચમાં 1041 રન બનાવ્યા છે, જ્યારે તેની બેટિંગ એવરેજ 41.64 છે. શાહબાઝના નામે પણ 57 વિકેટ છે.
IPL 2022માં રોયલ ચેલેન્જર્સ બેંગ્લોર તરફથી રમતા શાહબાઝે 16 મેચમાં 219 રન બનાવ્યા અને 4 વિકેટ પણ લીધી. શાહબાઝે આઈપીએલ 2022માં પોતાની ટીમ માટે ઘણી નાની પરંતુ તોફાની અને મહત્વપૂર્ણ ઇનિંગ્સ પણ રમી હતી.
ઝિમ્બાબ્વે પ્રવાસ માટે ભારતીય ટીમ
કેએલ રાહુલ (કેપ્ટન), શિખર ધવન (વાઈસ-કેપ્ટન), ઋતુરાજ ગાયકવાડ, શુભમન ગિલ, દીપક હુડા, રાહુલ ત્રિપાઠી, ઈશાન કિશન, સંજુ સેમસન, વોશિંગ્ટન સુંદર, શાર્દુલ ઠાકુર, કુલદીપ યાદવ, અક્ષર પટેલ, અવેશ ખાન, પ્રસિદ્ધ કૃષ્ણ, મોહમ્મદ સિરાજ, દીપક ચાહર
ઝિમ્બાબ્વેનો ભારત પ્રવાસ
- પહેલી ODI – 18 ઓગસ્ટ
- બીજી ODI – 20 ઓગસ્ટ
- ત્રીજી ODI – 22 ઓગસ્ટ
આ પણ વાંચો: મોટા સમાચાર/ આવતીકાલથી 2 રૂપિયા પ્રતિ લીટર મોંઘુ મળશે દૂધ, અમૂલ બાદ મધર ડેરીએ પણ વધાર્યા ભાવ
આ પણ વાંચો: Politics/ અસદુદ્દીન ઓવૈસીએ કહ્યું- કાશ્મીરમાં પંડિત નથી સુરક્ષિત, નિષ્ફળ રહ્યા LG: પીએમ મોદી આપે જવાબ
