Ahmedabad News : અમદાવાદના વિવિધ રસ્તાઓ પર કુલ 212 જંકશન પર કેમમેરા ગાઠવીને ટ્રાફિકના નિયમોનું ઉલ્લંઘન કરનારાઓને ઈ-મેમો અપાય છે. જોકે તેમાંથી 82 જંકશન પર લગાવેલા કેમેરા છેલ્લા બે વર્ષથી બંધ હતા જે ફરીથી ચાલુ કરવામાં આવ્યા છે.
અમદાવાદના 212 જંક્શનો પર 2557 કેમેરા લાગાવાયા છે. જ્માં સ્માર્ટ સિટીના 130 જંકશન પર 2303 કેમેરા લગાવાયેલા છે. જ્યારે સિટી સર્વેલન્સ અને ઈન્ટેલિજન્સ ટ્રાફિક મેનેજમેન્ટ સિસ્ટમ (સીએમઆઈટીએમએસ) ના 82 જંકશન પર 254 કેમેરા લગાવાયા છે. જે છેલ્લા બે વર્।થી સીએમઆઈટીએમએસ સાથેનો કરાર પૂરો થઈ જતા બંધ હતા. જે કેમેરા ફરી શરૂ કરવા કરાર કરાયા છે.
હવે 2 વર્ષ બાદ 82 જંકશનો માટે કરાર થતા આ જંકશનો પરથી ઈ-મેમો ઈશ્યુ કરાશે. આ 82 જંકશનો પૈકી 40 જંકશન પશ્ચિમ વિસ્તારમાં આવેલા છે. જે બંધ હોવાથી ઈ-મેમો ઈશ્યુ થતા ન હતા. હવે ટ્રાફિકના નિયમો તોડનારાઓને ઈ-મેમો ઘરે આવશે.