હાલમાં નોબેલ પુરસ્કારોની જાહેરાત થઈ રહી છે. અર્થશાસ્ત્રના નોબેલ પુરસ્કારની પણ આજે જાહેરાત કરવામાં આવી હતી. અર્થશાસ્ત્રના નોબેલ પુરસ્કાર હાર્વર્ડ યુનિવર્સિટીના પ્રોફેસર ક્લાઉડિયા ગોલ્ડિનને આપવામાં આવ્યો છે. તેમને શ્રમ બજારમાં મહિલાઓની ભાગીદારી અંગેના તેમના કામ માટે આ પુરસ્કાર આપવામાં આવ્યો હતો.
ક્લાઉડિયા ગોલ્ડિન હાર્વર્ડ યુનિવર્સિટીમાં અર્થશાસ્ત્રના પ્રોફેસર છે અને 1989થી 2017 સુધી NBERના અમેરિકી ઇકોનોમિક ડેવલપમેન્ટ પ્રોગ્રામના ડિરેક્ટર હતા. તેઓ NBERના ‘જેન્ડર ઇન ધ ઇકોનોમી’ જૂથની સહ-નિર્દેશક પણ છે.
એક આર્થિક ઇતિહાસકાર અને શ્રમ અર્થશાસ્ત્રી તરીકે ગોલ્ડિને વિવિધ વિષયો પર સંશોધન કર્યું છે. તેમાં મહિલા શ્રમ બળ, કમાણીમાં લિંગ તફાવત, આવકની અસમાનતા, તકનીકી પરિવર્તન, શિક્ષણ અને ઇમિગ્રેશન જેવા ઘણા વિષયોનો સમાવેશ થાય છે.
તેમના મોટાભાગના સંશોધનોએ વર્તમાનને ઈતિહાસના પરિપ્રેક્ષ્યમાં જોવાનો પ્રયાસ કર્યો છે. સંશોધન દ્વારા તેમણે વર્તમાન પડકારોને બધાની સામે મૂક્યા છે. ક્લાઉડિયા ગોલ્ડિને સૌથી તાજેતરનું પુસ્તક છે કરિયર એન્ડ ફેમેલી: વિમેન્સ સેન્ચ્યુરી-લોંગ જર્ની ટુવર્ડ ઇક્વિટી (પ્રિન્સટન યુનિવર્સિટી પ્રેસ, 2021) છે.
2022માં અર્થશાસ્ત્રમાં નોબેલ પુરસ્કાર અમેરિકન અર્થશાસ્ત્રીઓ ડગલસ ડાયમંડ અને ફિલિપ ડાયબવિગ તેમજ પૂર્વ ફેડરલ રિઝર્વ ચીફ બેન બર્નાન્કેને મુશ્કેલ સમયમાં બેંકો પર તેમના સંશોધન માટે એનાયત કરવામાં આવ્યો હતો.
અર્થશાસ્ત્રમાં નોબેલ પુરસ્કાર મોટાભાગે અમેરિકનોનું પ્રભુત્વ છે. મહિલાઓએ માત્ર બે વાર જ આ એવોર્ડ જીત્યો છે.
ઉલ્લેખનીય છે કે, ગત અઠવાડિયે નોબેલ શાંતિ પુરસ્કાર ઈરાની સત્તાવાર કાર્યકર્તા નરગેસ મોહમ્મદીને એનાયત કરવામાં આવ્યો હતો. આ સિવાય નોર્વેજીયન નાટ્યકાર જ્હોન ફોસને સાહિત્યમાં નોબેલ મળ્યો હતો. મોંગી બાવેન્ડી, લુઈસ બ્રુસ અને એલેક્સી એકિમોવને ક્વોન્ટમ ડોટ્સ નામના નેનો કણો પરના તેમના કાર્ય માટે કેમેસ્ટ્રીમાં નોબેલ પુરસ્કાર મળ્યો હતો.
આ પણ વાંચો: Vibrant Village/ વાઇબ્રન્ટ ગુજરાતે વાઇબ્રન્ટ બનાવ્યા અમદાવાદની નજીકના આ ગામ
આ પણ વાંચો: Israel Hamas War/ હમાસના હુમલામાં કેટલા ભારતીયો ઈઝરાયલમાં ફસાયા?
આ પણ વાંચો: Explained/ ચાર દેશ વચ્ચે જંગ-14 વચ્ચે તનાવ, શું ત્રીજું વિશ્વયુદ્ધ છે નજીક?
