કોરોના વાયરસની બીજી લહેને દેશના ફિલ્મ ઉદ્યોગની કમર તોડી નાખી છે. એક તરફ જ્યાં ફિલ્મોનું શૂટિંગ બંધ છે અને ફિલ્મ સ્ટાર ઘરેબેઠા છે. તો કોઈ સ્ટાર અથવા તેના ઘરના સભ્ય કોરોનાનો શિકાર બની રહ્યા છે. હાલમાં જ બોલિવૂડની એક પ્રખ્યાત અભિનેત્રીના પરિવારની કોરોના સંક્રમિત થયાની વિગતો સામે આવી છે.
બોલીવુડ અભિનેત્રી દીપિકા પાદુકોણ સહીત તેના પરિવારને કોરોના વાયરસનો ચેપ લાગ્યો છે, સ્પોટબોયના સમાચાર અનુસાર. દીપિકાના પિતા પ્રકાશ પાદુકોણ, માતા ઉજ્જલા પાદુકોણ અને બહેન અનિશા પાદુકોણ કોવિડ 19 હકારાત્મક હોવાનું જાણવા મળ્યું છે. સમાચાર અનુસાર, પરિવારના વિશેષ મિત્રે જણાવ્યું છે કે અભિનેત્રીના પરિવારમાં 10 દિવસ પહેલા કોરોના વાયરસના લક્ષણો જોવા મળ્યા હતા. જે બાદ પરીક્ષણ હકારાત્મક આવ્યું હતું. દીપિકાના પિતા હાલમાં બેંગાલુરુની હોસ્પિટલમાં દાખલ છે, પરંતુ આવતા અઠવાડિયા સુધીમાં તેમને રજા આપવામાં આવશે.
પ્રકાશ પાદુકોણના એક નજીકના મિત્રએ જણાવ્યું હતું કે, લગભગ 10 દિવસ પહેલા પ્રકાશ, તેની પત્ની અને પુત્રી અનિશાને કોવિડ 19 ના લક્ષણોની જાણકારી મળી હતી. તેમને તરત જ રીપોર્ટ કઢાવ્યા હતા. જે પોઝીટીવ આવ્યા હતા. જે બાદ બધાએ પોતાને આઈસોલેટ કરી દીધા, પરંતુ દીપિકાના પિતાનો તાવ ઉતરતો નાં હતો. તેથી શનિવારે તેમને હોસ્પિટલમાં દાખલ કરવામાં આવ્યા હતા. જો કે, તેઓ હવે ઠીક છે. તેમના તમામ રીપોર્ટસ પણ બરાબર છે. પ્રકાશની પત્ની અને પુત્રીને ઘરે રાજા આપી દેવામાં આવી છે. અને અપેક્ષા રાખવામાં આવે છે કે પ્રકાશ પાદુકોણને 2-3 દિવસમાં હોસ્પિટલમાંથી રજા આપવામાં આવશે. ‘
તમને જણાવી દઈએ કે છેલ્લા બે મહિનામાં બોલીવુડ ટીવી ઇન્ડસ્ટ્રીના ઘણા પ્રખ્યાત ચહેરા કોવિડ 19 નો શિકાર બન્યા છે. જેમાં રણધીર કપૂર, આમિર ખાન, રણબીર કપૂર, આલિયા ભટ્ટ, અક્ષય કુમાર, કેટરિના કૈફ, વિકી કૌશલ, ભૂમિ પેડનેકર, તારા સુતરીયા, સિદ્ધંત ચતુર્વેદી, આદિત્ય નારાયણ, આર માધવન સહિત ઘણા સ્ટાર્સ શામેલ છે.
