- કોરોનાના ઓમીક્રોન વેરિયન્ટનો ભારતમાં ભય
- વિવિધ દેશોનો આફ્રિકાથી આવતી ફ્લાઇટ પર પ્રતિબંધ
- શ્રીલંકાએ, અમેરિકા, યુકેએ લગાવ્યો પ્રતિબંધ
કોરોનાના નવા ઓમિક્રોન વેરિઅન્ટના ખતરા વચ્ચે વડા પ્રધાન નરેન્દ્ર મોદીએ ટોચના અધિકારીઓ સાથે સમીક્ષા બેઠક યોજી હતી. આ બેઠકમાં, તેમણે આંતરરાષ્ટ્રીય મુસાફરી પ્રતિબંધોમાં આપવામાં આવેલી છૂટછાટની ફરી સમીક્ષા કરવાનો નિર્દેશ આપ્યો. પીએમ મોદીએ નવા વેરિઅન્ટ અંગે ચિંતા વ્યક્ત કરી અને બહારથી આવતા મુસાફરો પર ખાસ ઝીણવટ ભરી નજર રાખવા માટે જણાવ્યુ હતું. મીટિંગ દરમિયાન, પીએમએ કહ્યું કે એવા દેશોમાંથી આવતા મુસાફરો પર વધુ ધ્યાન આપવું જોઈએ જ્યાં નવા પ્રકારોનું જોખમ વધારે છે.
શનિવારે વડા પ્રધાન મોદીએ કોરોના વાયરસના નવા પ્રકાર, ઓમિક્રોનને લઈને કેન્દ્રીય અધિકારીઓ સાથે સમીક્ષા બેઠક યોજી હતી. આ દરમિયાન પીએમ મોદીએ કહ્યું કે એવા દેશોમાંથી આવતા મુસાફરો પર વધુ ધ્યાન આપવું જોઈએ જ્યાંથી વેરિઅન્ટનું જોખમ વધારે હોય. આ ઉપરાંત, આ બેઠકમાં, તેમણે આંતરરાષ્ટ્રીય મુસાફરી પ્રતિબંધોમાં આપવામાં આવેલી છૂટછાટની ફરીથી સમીક્ષા કરવાનો નિર્દેશ આપ્યો. આ સાથે પીએમ મોદીએ ઉચ્ચ અધિકારીઓને રાજ્ય સરકારો સાથે મળીને કામ કરવા સૂચના આપી છે. આ સિવાય પીએમ મોદીએ નવા પ્રકારોને લઈને દેશભરમાં જિલ્લા સ્તરીય જાગૃતિ કાર્યક્રમો શરૂ કરવાના નિર્દેશ આપ્યા છે. તેમણે કહ્યું કે કોરોના સંક્રમણની સઘન દેખરેખ અને તપાસ ચાલુ રાખવી જોઈએ.
તમને જણાવી દઈએ કે દક્ષિણ આફ્રિકામાં જોવા મળતા કોરોનાના નવા વેરિયન્ટ ઓમિક્રોનમાંથી ઘણા દેશોએ પોતપોતાના દેશોની હવાઈ ઉડાનો પર ફરીથી પ્રતિબંધ લગાવી દીધો છે. દરમિયાન, ભારતમાં પણ એલર્ટ જારી કરવામાં આવ્યું છે અને નવા પ્રકારોના જોખમને ટાળવા માટે દક્ષિણ આફ્રિકાના દેશમાંથી આવતા મુસાફરોનું સંપૂર્ણ પરીક્ષણ કરવા સૂચના આપવામાં આવી છે. મુંબઈમાં દક્ષિણ આફ્રિકાથી આવતા મુસાફરો માટે ક્વોરેન્ટાઈન ફરજિયાત કરવામાં આવ્યું છે. કહેવામાં આવી રહ્યું છે કે કોરોનાનું નવું વેરિઅન્ટ ઓમિક્રોન ડેલ્ટા અને ડેલ્ટા પ્લસ કરતાં અનેકગણું વધુ ચેપી અને ખતરનાક છે. શ્રીલંકાએ, અમેરિકા, યુકેએ દક્ષિણ આફ્રિકાથી આવતી ફ્લાઇટ ઉપર પ્રતિબંધ લગાવ્યો છે.
દક્ષિણ આફ્રિકામાં જોવા મળતા કોરોનાનું એક નવું સ્વરૂપ વિશ્વમાં ઝડપથી ફેલાઈ રહ્યું છે. હોંગકોંગ અને બોત્સ્વાના બાદ શુક્રવારે ઈઝરાયેલ અને બેલ્જિયમમાં પણ નવા પ્રકારથી સંક્રમિત લોકો જોવા મળ્યા છે. આ પછી, બ્રિટન, ઓસ્ટ્રિયા, કેનેડા, ફ્રાન્સ, જર્મની, ઇટાલી અને નેધરલેન્ડે આફ્રિકન દેશોથી આવતી ફ્લાઇટ્સ પર પ્રતિબંધ મૂક્યો. હવે અમેરિકા, સાઉદી અરેબિયા, શ્રીલંકા, બ્રાઝિલ સહિત ઘણા દેશોએ પણ આફ્રિકન દેશોની ફ્લાઈટ પર પ્રતિબંધ લગાવી દીધો છે. જો કે, દક્ષિણ આફ્રિકાના આરોગ્ય પ્રધાને આ પ્રતિબંધોને અન્યાયી ગણાવ્યા છે.
Sports / ICCએ મહિલા ક્રિકેટ વર્લ્ડ કપ ક્વોલિફાયર 2021 તાત્કાલિક અસરથી કર્યો રદ
Business / વિદેશમાં ખુલ્લેઆમ વેચાતા ભાંગ અને ગાંજા ઉપર ભારતમાં કેમ પ્રતિબંધ મૂકવો પડ્યો ?
Business / કોવિડ વેક્સીન કંપનીઓ પ્રતિ સેકન્ડ કમાઈ રહી છે આટલા રૂપિયા….
