મુંબઈ,
આજની તારીખ શાહરૂખ ખાન માટે ખાસ છે. બોલીવૂડમાં શાહરૂખના 25 વર્ષ થવા પર નેટીઝન્સ જશ્ન મનાવી રહ્યા છે. આજના દિવસે 26 વર્ષ પહેલા શાહરુખની ફિલ્મ દીવાના રિલીઝ થઇ હતી. ફિલ્મમાં શાહરૂખ ખાન ઋષિ કપૂર પછી બીજી લીડ ભૂમિકામાં હતા.
ફિલ્મ રિલીઝ થતા જ શાહરૂખ હીરો બની ચુક્યા હતા. આ ફિલ્મ માટે શાહરૂખ ખાનને બેસ્ટ ડેબ્યુ અને દિવ્યા ભારતીને લક્સ ફ્રેશ ફેસ ઓફ ધ યરનો ફિલ્મફેર એવોર્ડ મળ્યો હતો. ફિલ્મ બોક્ષ ઓફીસ પર સુપરહીટ રહી હતી.
મહત્વનું છે કે દીવાના પહેલા શાહરૂખ ખાને ફિલ્મ દિલ આશના હૈ સાઈન કારી લીધી હતી, જોકે, ફિલ્મ દીવાના પહેલા રિલીઝ થઇ હતી.
ફિલ્મ દીવાના વિશે એક વાત ખુબ ઓછા લોકો જાણતા હશે કે આ ફિલ્મ માટે અભિનેતા અરમાન કોહલીએ અડધું શૂટિંગ ખતમ કરી લીધું હતું. પરંતુ ત્યાર બાદ શાહરૂખે અરમાનની જગ્યા લઈને આ ફિલ્મમાં સેકંડ લીડ રોલ નિભાવ્યો હતો.
બોલીવૂડના બાદશાહ, કિંગ ઓફ રોમાંસ વગેરે નામથી મશહૂર શાહરૂખે કેટલાક નકારાત્મક કિરદાર પણ નિભાવ્યા હતા. ફિલ્મ બાઝીગર, ડર, અંજામમાં નીભાવેલી નકારાત્મક ભૂમિકાઓ માટે શાહરુખને દર્શકો તેમજ વિવેચકોની પણ સરાહના મળી હતી.
વર્ષ 1995માં રિલીઝ થયેલી શાહરુખની ફિલ્મ દિલવાલે દુલ્હનિયા લે જાયેંગે, 1998માં આવેલી કુછ કુછ હોતા હૈ, 2000માં આવેલી મોહબ્બત્તે, 2002ની દેવદાસને શાહરુખની સૌથી સફળ ફિલ્મોમાં ગણવામાં આવે છે.
દર્શકોને હવે શાહરુખની આગામી ફિલ્મ ઝીરોની રાહ જોઈ રહ્યા છે.
