Entertainment News : આગામી દિવાળીના પવિત્ર તહેવાર (The holy festival of Diwali)પર દેશના સિનેમાઘરોમાં મનોરંજનનો પ્રચંડ વિસ્ફોટ થવા જઈ રહ્યો છે. ભારતીય સિનેમા (Indian Cinema)ની સૌથી મોટી મોસ્ટ અવેટેડ ફિલ્મ ‘રામાયણ’ (Ramayan)અને વૈશ્વિક સ્તરે પ્રખ્યાત ફ્રેન્ચાઇઝી ‘ગોડઝિલા માઇનસ ઝીરો'(Godzilla Minus Zero) એક જ દિવસે મોટા પડદે આમને-સામને ટકરાશે. દિવાળીની લાંબી રજાઓનો મહત્તમ લાભ ઉઠાવવા માટે બંને મોટી ફિલ્મોના ઉત્પાદકોએ એક જ તારીખ પસંદ કરી છે.
6 નવેમ્બરે સિનેમાઘરોમાં સામસામે આવશે રણબીર કપૂર અને ગોડઝિલા
નિતેશ તિવારીના નિર્દેશનમાં બની રહેલી મલ્ટીસ્ટારર ફિલ્મ ‘રામાયણ’ 6 નવેમ્બર, 2026 ના રોજ વિશ્વભરમાં રિલીઝ થઈ રહી છે. પ્રથમ ઝલક અને ટ્રેલર બાદ પ્રેક્ષકોમાં આ આકાશી બજેટ ધરાવતી ફિલ્મ પ્રત્યે ભારે ઉત્સાહ છે. રણબીર કપૂર અને સાઈ પલ્લવી જેવા સક્ષમ કલાકારોથી સજ્જ આ ફિલ્મની સામે જાપાનીઝ ફ્રેન્ચાઈઝીની ‘ગોડઝિલા માઈનસ ઝીરો’ પણ 6 નવેમ્બરે જ ભારતમાં દસ્તક આપશે. બંને મેકર્સ IMAX અને પ્રીમિયમ સ્ક્રીન્સ પર કબજો મેળવવા માટે હોડમાં લાગ્યા છે.
ધનતેરસથી શરૂ થતા લોંગ વીકએન્ડનો લાભ લેવા માસ્ટરપ્લાન
6 નવેમ્બરે ધનતેરસના શુભ દિવસથી તહેવારોનો મોટો વીકએન્ડ શરૂ થાય છે. અગાઉ રામાયણ 30 ઓક્ટોબરે લાવવાનો વિચાર હતો, પરંતુ ધનતેરસ, ગોવર્ધન પૂજા અને ભાઈબીજની શ્રેણીબદ્ધ રજાઓને વટાવવા મેકર્સે રિલીઝ ડેટ લંબાવી હતી. હવે જોવાનું એ રહેશે કે આ લોંગ વીકએન્ડમાં ભારતીય દર્શકો રામના શરણમાં જાય છે કે રાક્ષસી ગોડઝિલાના ફેન બને છે.
ભારતીય બજારમાં ગોડઝિલા ફ્રેન્ચાઇઝીનો મજબૂત બોક્સ ઓફિસ ટ્રેક રેકોર્ડ
ભારતમાં હોલીવુડ અને મોન્સ્ટર કલ્ચરનો વ્યાપ સતત વધી રહ્યો છે. આ ફ્રેન્ચાઇઝીની અગાઉ આવેલી તમામ ફિલ્મોએ ભારતીય બોક્સ ઓફિસ પર કરોડોનો વ્યાપાર કર્યો છે:
ગોડઝિલા (2014): 34 – 35 કરોડ
ગોડઝિલા: કિંગ ઓફ મોન્સ્ટર્સ (2019): 25.30 કરોડ
ગોડઝિલા વર્સિસ કોંગ (2021) : ₹48.58 કરોડ
ગોડઝિલા x કોંગ (2024): 112.54 કરોડ
4000 કરોડના ભવ્ય બજેટ સાથે રામાયણની પૌરાણિક રજૂઆત
રામાનંદ સાગરની સીરિયલથી લઈને રામલીલા સુધી, ભારતીય સમાજમાં રામાયણનું સ્થાન હંમેશાં વિશેષ રહ્યું છે. નિતેશ તિવારી અંદાજે 4000 કરોડના અભૂતપૂર્વ બજેટમાં આ મહાકાવ્યને વિશાળ કેનવાસ પર કંડારી રહ્યા છે. ફિલ્મમાં રણબીર કપૂર, સાઈ પલ્લવી ઉપરાંત સની દેઓલ, યશ, રવિ દુબે અને રકુલ પ્રીત સિંહ જેવા દિગ્ગજ કલાકારો મહત્વની ભૂમિકાઓ ભજવતા જોવા મળશે.
આ પણ વાંચો :‘બિગ બોસ OTT 2’ ફેમ જિયા શંકરે કરી સગાઈ: NRI બિઝનેસમેન સાથે સગાઇના બંધનમાં બંધાયા
આ પણ વાંચો :‘મુસાફિર કેફે’ સીઝન 2 ની સત્તાવાર જાહેરાત: ચંદર, સુધા અને પ્રીતિની અધૂરી પ્રેમકથાનો કયો આવશે અંજામ?
આ પણ વાંચો :‘બિગ બોસ 20’ નો ધમાકેદાર પ્રોમો આઉટ, સલમાન ખાને ઘોડા પર કરી ગ્રાન્ડ એન્ટ્રી
