છેલ્લા ઘણા દિવસોથી પેટ્રોલ અને ડીઝલનાં ભાવ લગભગ સ્થિર થઇ ગયા છે. કેન્દ્ર સરકારે આ અંગે પહેલા જ જનતાને રાહત આપી દીધી હતી. જો કે ટૂંક સમયમાં જ દેશની જનતા પેટ્રોલ અને ડીઝલની પરેશાનીમાંથી છૂટકારો મેળવવા જઈ રહી છે. કારણ કે હવે ફ્લેક્સ-ફ્યુઅલ એન્જિન હવે દેશમાં ફરજિયાત રીતે લાગુ થવા જઈ રહ્યું છે.
આ પણ વાંચો – IND Vs NZ / દક્ષિણ આફ્રિકાનાં બોલર શોન પોલોકને પાછળ છોડી અશ્વિને તોડ્યો આ ખાસ રેકોર્ડ
જણાવી દઇએ કે, કેન્દ્રીય માર્ગ પરિવહન અને રાજમાર્ગ મંત્રી નીતિન ગડકરીએ એક કાર્યક્રમ દરમિયાન તેના સંકેત આપ્યા છે. એક કાર્યક્રમને સંબોધતા તેમણે કહ્યું કે, આગામી બે-ત્રણ દિવસમાં તેઓ કાર કંપનીઓ માટે ફરજીયાતપણે ફ્લેક્સ-ફ્યુઅલ એન્જિન લાવવાનો આદેશ જારી કરશે. ગયા સોમવારે એક કાર્યક્રમને સંબોધતા ગડકરીએ કહ્યું હતું કે, ભારત દર વર્ષે 8 લાખ કરોડ રૂપિયાનાં પેટ્રોલિયમ ઉત્પાદનોની આયાત કરે છે. જો પેટ્રોલિયમ ઉત્પાદનો પર ભારતની નિર્ભરતા ચાલુ રહેશે તો આગામી પાંચ વર્ષમાં આયાત બિલ વધીને રૂ. 25 લાખ કરોડ થઈ જશે. તેમણે કહ્યું કે, હું પેટ્રોલિયમની આયાત ઘટાડવા માટે આગામી બે-ત્રણ દિવસમાં ઓર્ડર પર હસ્તાક્ષર કરવાનો છું. આ હેઠળ, કાર ઉત્પાદકો માટે ફ્લેક્સ-ફ્યુઅલ એન્જિન લાવવું ફરજિયાત રહેશે. જે પછી કાર કંપનીઓ ફ્લેક્સ ફ્યુઅલ પર ચાલતા એન્જિન બનાવવાનું શરૂ કરશે. આ પછી દેશની જનતાને દરરોજ વધી રહેલા પેટ્રોલ અને ડીઝલનાં ભાવોથી આઝાદી મળશે.
આ પણ વાંચો – #Crypto Currency / ભારત સરકારને ક્રિપ્ટોની ટેક્નોલોજી ગમે છે, તો પછી ચલણ પર પ્રતિબંધ શા માટે
આપને જણાવી દઇએ કે, ફ્લેક્સ એન્જિનમાં એક પ્રકારનું ફ્યુઅલ મિક્સ સેન્સર એટલે કે ફ્યુઅલ બ્લેન્ડર સેન્સરનો ઉપયોગ થાય છે. તે મિશ્રણમાં બળતણની માત્રા અનુસાર પોતાને સમાયોજિત કરે છે. જ્યારે તમે ડ્રાઇવિંગ શરૂ કરો છો, ત્યારે આ સેન્સર ઇથેનોલ, મિથેનોલ અને ગેસોલિનનો ગુણોત્તર અથવા બળતણની આલ્કોહોલ સાંદ્રતા રીડ કરે છે. આ પછી, તે ઈલેક્ટ્રોનિક કંટ્રોલ મોડ્યુલને સિગ્નલ મોકલે છે અને આ કંટ્રોલ મોડ્યુલ પછી અલગ-અલગ ઈંધણની ડિલિવરીને નિયંત્રિત કરે છે.