અમદાવાદમાં ફરી એક વખત હત્યા થતા ચકચાર મચી ગઈ છે. સરદાર નગર નજીક આવેલા કૂબેરનગરમાં આ હત્યા થઈ છે. અજાણ્યા એક યુવકની છરીના ઘા ઝીંકીને હત્યા કરવામાં આવી છે. જેમાં એકથી વધુ શખ્સોએ આ હત્યા કર્યાનું જાણવા મળી રહ્યું છે.
આ ઘટના અંગેના સીસીટીવી ફૂટેજ પણ મળી આવ્યા છે.જેમાં દેખાઈ રહ્યું છે કે એક યુવક ગંભીર હાલતમાં રોડ ક્રોસ કરીને આગળ વધી રહ્યો છે અને ત્યાર બાદ તરત જ તેની પાછળ અન્ય 3 શખ્સો રીક્ષા પકડીને તેના તરફ જાય છે.આ પહેલા જ એ યુવક પર ત્રણેય શખ્સોએ ગંભીર રીતે છરીના ઘા ઝીંકી દીધાનો ખ્યાલ સીસીટીવી ફૂટેજ પરથી આવી જાય છે.ત્યારે આ સમગ્ર મામલે સરદાર નગર પોલીસે ગુનો નોંધીને તપાસ શરૂ કરી છે
