કચ્છ,
કચ્છના રાપર તાલુકાના મુખ્ય શિક્ષકોના વોટ્સએપ ગ્રુપમાં કોઈએ અશ્લીલ વિડિઓ અપલોડ કરતા ચકચાર મચી જવા પામી છે. સાહિત્ય પીરસનારા શિક્ષકોના ગ્રુપમાં બીભત્સ વિડિઓ અપલોડ થતા ખળભળાટ સર્જાયો હતો.
વોટ્સએપ ગ્રુપમાં અશ્લીલ વિડિઓ અપલોડ થતા વિવાદ વકર્યો હતો જો કે ત્યારબાદ વિડિઓ ડીલીટ કરી દેવામાં આવ્યો હતો. તો બીજી બાજુ આ મામલે જિલ્લા પ્રાથમિક શિક્ષણાધિકારી સંજય પરમારે તપાસના આદેશ આપ્યા છે.
શિક્ષણાધિકારીએ જણાવ્યું હતુ કે તપાસના અહેવાલ બાદ જવાબદારો સામે શિક્ષાત્મક કાર્યવાહી કરવામાં આવશે.
વીડિયો અપલોડ કરનાર શિક્ષક રાપરની નાની રવ શાળામાં આચાર્ય તરીકે ફરજ બજાવે છે. આ અંગે શિક્ષણ વિભાગને ફરિયાદ કરતા વિભાગ તરફથી યોગ્ય તપાસ અને જરૂરી પગલાં લેવાની ખાતરી આપવામાં આવી છે.