Gyanvapi controversy: વારાણસીના જ્ઞાનવાપી-શ્રૃંગાર ગૌરી કેસમાં જિલ્લા ન્યાયાધીશની કોર્ટે ગુરુવારે મુસ્લિમ પક્ષને જવાબ દાખલ કરવા માટે 22 ઓગસ્ટનો સમય આપ્યો છે. મુસ્લિમ પક્ષે તૈયારી કરવા માટે 10 દિવસની માંગ કરતા વિલંબ બદલ કોર્ટે તેના પર 500 રૂપિયાનો દંડ પણ ફટકાર્યો હતો.
સરકારી વકીલ રાણા સંજીવ સિંહે સમાચાર એજન્સી ‘પીટીઆઈ’ને જણાવ્યું કે મુસ્લિમ પક્ષે કોર્ટને કહ્યું કે તેમના સ્વર્ગસ્થ વકીલ અભય યાદવને બદલે મોહમ્મદ શમીમ અને યોગેન્દ્ર પ્રસાદ સિંહ ઉર્ફે મધુ બાબુ તેમના વતી કેસનું પ્રતિનિધિત્વ કરશે. મુસ્લિમ પક્ષે બંને વકીલોને કેસ સમજવા અને તૈયારી કરવા માટે વધારાના 10 દિવસનો સમય માંગ્યો હતો. આના પર કોર્ટે સુનાવણી માટે 22 ઓગસ્ટની તારીખ નક્કી કરી અને વિલંબ બદલ મુસ્લિમ પક્ષને 500 રૂપિયાનો દંડ ફટકાર્યો. સાથે જ કહ્યું કે તૈયારી માટે આનાથી વધુ સમય આપવામાં આવશે નહીં.
ઉલ્લેખનીય છે કે રાખી સિંહ અને અન્ય પાંચ મહિલાઓએ સિવિલ જજ (સિનિયર ડિવિઝન)ની કોર્ટમાં જ્ઞાનવાપી કેમ્પસમાં શૃંગાર ગૌરીના નિયમિત દર્શન-પૂજાની મંજૂરી આપવા માટે દાવો દાખલ કર્યો છે. આ અંગે કોર્ટના આદેશથી જ્ઞાનવાપી કેમ્પસમાં વીડિયોગ્રાફી સર્વે હાથ ધરવામાં આવ્યો હતો. આ દરમિયાન હિન્દુ પક્ષે જ્ઞાનવાપી મસ્જિદના વઝુખાનામાં શિવલિંગ હોવાનો દાવો કર્યો હતો, જ્યારે મુસ્લિમ પક્ષે તેને ફુવારો ગણાવ્યો હતો.
આ સમગ્ર મામલાને 1991ના પ્લેસ ઓફ વર્શીપ એક્ટનું ઉલ્લંઘન ગણાવતા મુસ્લિમ પક્ષે કહ્યું કે આ જોતાં હિન્દુ પક્ષનો કેસ સાંભળવા યોગ્ય નથી. આ મામલે કોર્ટમાં સુનાવણી ચાલી રહી છે. આ કેસમાં હિંદુ પક્ષે પોતાની દલીલો કોર્ટ સમક્ષ મૂકી છે, જેના પર મુસ્લિમ પક્ષે પોતાનો જવાબ રજૂ કરવાનો છે. આ માટે 4 ઓગસ્ટની તારીખ નક્કી કરવામાં આવી હતી, પરંતુ 4 ઓગસ્ટના રોજ મુસ્લિમ પક્ષે તેના મુખ્ય વકીલ અભયનાથ યાદવનું હાર્ટ એટેકના કારણે મૃત્યુ થયું હોવાનું ટાંક્યું હતું અને કેસ સંબંધિત તમામ દસ્તાવેજો અભય યાદવ પાસે રાખવામાં આવ્યા હતા. વધારાનો સમય દિવસની માંગણી કરવામાં આવી હતી. તેના પર કોર્ટે સુનાવણી માટે 18 ઓગસ્ટની તારીખ નક્કી કરી હતી.
આ પણ વાંચો: Cricket / ધનશ્રી વર્મા સાથે બ્રેકઅપના સમાચાર પર યુઝવેન્દ્ર ચહલે આપી પ્રતિક્રિયા
આ પણ વાંચો: World / ફિનલેન્ડના PMનો એક પાર્ટીમાં દારૂ પીને ડાન્સ કરતા હોવાનો વીડિયો લીક થતાં હંગામો
આ પણ વાંચો: PUNJAB / જેલ અધિકારીએ ગરમ સળિયાથી મારી પીઠ પર ‘ગેંગસ્ટર’ લખ્યું, કેદીએ જજની સામે જ શર્ટ ઉતાર્યો
