લોકસભા ચૂંટણીની તારીખોની જાહેરાતના એક દિવસ પહેલા અમિત શાહે ફરી એક વખત પુનરોચ્ચાર કર્યો હતો કે ભાજપ 370 બેઠકોના લક્ષ્યાંકને પૂર્ણ કરશે. તેમને કહ્યું કે અમે મતગણતરીનાં દિવસે જોઈશું, કારણ કે છેલ્લી ચૂંટણીમાં અમે 300નો લક્ષ્યાંક રાખ્યો હતો અને અમને 303 બેઠકો મળી હતી. તેવી જ રીતે, અમે 2024 માં પણ અમારું લક્ષ્ય પ્રાપ્ત કરીશું. ઈન્ડિયા ટુડે કોન્ક્લેવમાં અમિત શાહે આ વાત કહી છે. આ કાર્યક્રમમાં તેમને ઈલેક્ટોરલ બોન્ડ અંગે પણ પ્રતિક્રિયા આપી હતી. તેમણે કહ્યું કે ભારતીય રાજનીતિમાંથી કાળા નાણાંને ખતમ કરવા માટે ચૂંટણી બોન્ડ લાવવામાં આવ્યા હતા. અગાઉ કોઈને રાજકીય દાન વિશે કંઈ ખબર હતી? કરોડોનું દાન રોકડમાં લીધું. તેમણે કહ્યું કે ઈલેક્ટોરલ બોન્ડની રજૂઆત પહેલા ચૂંટણી ખર્ચ ક્યાંથી આવ્યો? તે કાળું નાણું હતું કે બિનહિસાબી નાણું? તેમણે કહ્યું કે પારદર્શિતા માટે ઈલેક્ટોરલ બોન્ડ લાવવામાં આવ્યા હતા, હવે કાળું નાણું રાજકારણમાં પાછું આવશે એવો ડર છે.
કેન્દ્રીય ગૃહમંત્રી અમિત શાહે ઈલેક્ટોરલ બોન્ડને લઈને મોટું નિવેદન આપ્યું છે. કેન્દ્રીય ગૃહ પ્રધાન અમિત શાહે શુક્રવારે કહ્યું કે તેમને ડર છે. કે જો જૂની પ્રક્રિયા પાછી આવશે તો કાળું નાણું પાછું આવશે. તેમને કહ્યું કે આ રાજનીતિમાં કાળા નાણાને દૂર કરવાની શરૂઆત છે.
અમિત શાહે કહ્યું કે, “મારો અંગત અભિપ્રાય છે કે તેને રદ્દ કરવાને બદલે સુધારવો જોઈતો હતો. પરંતુ મારા અભિપ્રાયથી કોઈ ફરક પડતો નથી અને હું દેશની સર્વોચ્ચ અદાલતના નિર્ણયનું સન્માન કરું છું. ભારતીય રાજકારણમાં કાળા નાણાના વર્ચસ્વને ખતમ કરવા માટે ચૂંટણી બોન્ડની રજૂઆત કરવામાં આવી હતી. સર્વોચ્ચ અદાલતનો નિર્ણય સૌએ સ્વીકારવો પડશે. હું તેના પર ટિપ્પણી કરવા માંગતો નથી. સોમવારે સુપ્રીમ કોર્ટમાં સુનાવણી છે. હું સુપ્રીમ કોર્ટના કોઈપણ નિર્ણય પર ટિપ્પણી કરતો નથી. હું કોઈપણ મંચ પર કોઈની સાથે પણ ચર્ચા કરવા તૈયાર છું કે ભારતીય રાજકારણમાં કાળા નાણાને ખતમ કરવા માટે ચૂંટણી બોન્ડ રજૂ કરવામાં આવ્યા હતા.
ઈલેક્ટોરલ બોન્ડના પૈસા કાળું નાણું નથીઃ શાહ
અમિત શાહે સ્પષ્ટ શબ્દોમાં કહ્યું કે ઈલેક્ટોરલ બોન્ડ મની કાળું નાણું નથી. તે કંપનીઓની બેલેન્સ શીટમાં પ્રતિબિંબિત થાય છે કે અમે ચૂંટણી માટે બોન્ડ આપ્યા છે. ગુપ્તતા માત્ર એટલા માટે રાખવામાં આવી હતી કે જો તે કોંગ્રેસને આપે તો તેને હેરાન કરી શકાય. અથવા જ્યાં કોંગ્રેસ શાસન તેમને બોન્ડ્સ આપ્યા હતા તેમને હેરાન કરી શકે છે. ચૂંટણી દાનની રકમ પક્ષની બેલેન્સ શીટમાં પ્રતિબિંબિત થાય છે.
આપેલ બોન્ડની રકમ કંપનીની બેલેન્સ શીટમાં પ્રતિબિંબિત થાય છે. શું ગુપ્ત રહે છે? જ્યારે દાન રોકડમાં લેવામાં આવે ત્યારે જ તે ગોપનીય રહેશે. કોંગ્રેસ પક્ષને ગુપ્તતા સાથે કોઈ લેવાદેવા નથી. ચૂંટણીનું દાન અગાઉ આવતું ન હતું? પરંતુ તેના ઠેકાણાઓ અજાણ હતા. જેમાં ઈલેક્ટોરલ બોન્ડ સ્કીમ માત્ર પારદર્શિતા માટે લાવવામાં આવી હતી.
આ પણ વાંચો:Electoral bond/‘ઇલેક્ટોરલ બોન્ડ એ વિશ્વનું સૌથી મોટું ખંડણી રેકેટ’, રાહુલ ગાંધીના ભાજપ પર આકરા પ્રહાર
આ પણ વાંચો:Electoral bond/ઈલેક્ટોરલ બોન્ડ પર અમિત શાહનું નિવેદન આવ્યું સામે, કહ્યું- વિરોધ પક્ષોને 14 હજાર કરોડનું દાન, તેમના સાંસદો પણ ઓછા
આ પણ વાંચો:Lok Sabha Elections 2024/લોકસભા ચૂંટણીની તારીખો આજે થશે જાહેર, આચારસંહિતા લાગુ થશે; જાણો કઇ વસ્તુઓ પર પ્રતિબંધ લાગશે? સામાન્ય લોકો પર શું થશે અસર?