New Delhi : આઈઆઈટી દિલ્હીમાંથી(IIT Delhi) ગ્રેજ્યુએટ થયેલા મિત્રોની આ સફળતાની કહાની છે. તેમણે બતાવ્યું છે કે જો તમારામાં આત્મવિશ્વાસ હોય અને વિચાર સારા હોય તો સફળતા મેળવવામાં લાંબો સમય લાગતો નથી. આ મિત્રોએ સાથે મળીને શેડોફેક્સ નામનું સાહસ શરૂ કર્યું. તેનો પાયો 2015માં અભિષેક બંસલ અને વૈભવ ખંડેલવાલ દ્વારા નાખવામાં આવ્યો હતો. પછીથી આઈઆઈટી દિલ્હીના ભૂતપૂર્વ વિદ્યાર્થીઓ ગૌરવ જેથલિયા અને પ્રહર્ષ ચંદ્ર પણ સ્થાપક ટીમમાં જોડાયા. આજે તેમનું આ સાહસ કરોડોનું થઈ ગયું છે.
કો-ફાઉન્ડર અને CEO અભિષેક બંસલે IIT દિલ્હીમાંથી પ્રોડક્શન અને ઇન્ડસ્ટ્રિયલ એન્જિનિયરિંગમાં B.Tech કર્યું છે. વૈભવ ખંડેલવાલ કંપનીના સહ-સ્થાપક અને CTO છે. તેણે IIT દિલ્હીમાંથી ઇલેક્ટ્રિકલ, ઇલેક્ટ્રોનિક્સ અને કોમ્યુનિકેશન એન્જિનિયરિંગમાં B.Tech કર્યું છે. તેઓએ સાથે મળીને 2015 માં શેડોફેક્સનો પાયો નાખ્યો. તે એન્ડ-ટુ-એન્ડ લોજિસ્ટિક્સ પ્રદાતા છે. પાછળથી IIT દિલ્હીના ગૌરવ જેથલિયા અને પ્રહર્ષ ચંદ્ર પણ સ્થાપક ટીમમાં જોડાયા. આ લોકોએ સાથે મળીને કંપનીને ઝડપથી ચલાવી હતી.
શેડોફેક્સ ઑન-ડિમાન્ડ હાઇપરલોકલ ડિલિવરી પ્લેટફોર્મ તરીકે કાર્ય કરે છે. તે વિવિધ ઉદ્યોગો માટે ટેક-સક્ષમ વન-સ્ટોપ ડિલિવરી સેવાઓ પ્રદાન કરે છે. લોજિસ્ટિક્સ અને વિશ્વસનીય ડિલિવરી નેટવર્કની ઍક્સેસ સુનિશ્ચિત કરવા માટે કંપની ટેકનોલોજીનો લાભ આપે છે.
શેડોફેક્સે આ ઉદ્યોગમાં પોતાને એક મુખ્ય ખેલાડી(Main Player in market) તરીકે સ્થાપિત કરી છે. કંપનીએ ઓર્ડર ટ્રેક કરવા, ડિલિવરી ડેટાનું એનાલિસિસ કરવા ટેક્નોલોજીનો લાભ લેવા પર ધ્યાન કેન્દ્રિત કરવાનું ચાલુ રાખ્યું છે. આ બાબતોએ તેને ભારતીય બજારમાં મજબૂત પકડ મેળવવામાં મદદ કરી છે.
શેડોફેક્સ પાસે 30 લાખનું વેરિફાઇડ રાઇડર નેટવર્ક છે. તેના 1.5 લાખથી વધુ માસિક વ્યવહારો સાથે ડિલિવરી ભાગીદારો છે. તે 2500 થી વધુ શહેરોમાં ગ્રાહકોને સેવા આપે છે. શેડોફેક્સે નાણાકીય વર્ષ 2021-22માં રૂપિયા 997.3 કરોડ અને નાણાકીય વર્ષ 2022-23માં રૂપિયા 1,423 કરોડની ઓપરેટિંગ આવક નોંધાવી હતી. કંપનીનું મૂલ્ય આશરે $600 મિલિયન (આશરે રૂ. 4,998 કરોડ) છે.
આ પણ વાંચો:ભાવ ઘટતા સોનાની ખરીદીમાં જોવા મળ્યો રસ
આ પણ વાંચો:શેરબજારમાં આજે બજાર ખુલતા સેન્સેક્સ અને નિફ્ટીમાં મજબૂત શરૂઆત
આ પણ વાંચો: પર્સનલ લોનની તમારી ક્રેડિટ પ્રોફાઇલ પર શું પડે છે અસર
