ભારતીય ક્રિકેટ ટીમના ઓપનર મુરલી વિજય વિશે ચોંકાવનારા સમાચાર સામે આવ્યા છે. એવું કહેવામાં આવી રહ્યું છે કે તેણે કોરોના વાયરસની રસી લેવાનો ઇનકાર કરી દીધો છે.
હકીકતમાં, BCCI હાલમાં ડોમેસ્ટિક T20 ટૂર્નામેન્ટ સૈયદ મુશ્તાક અલી ટ્રોફીનું આયોજન કરી રહ્યું છે અને બોર્ડે તમામ ખેલાડીઓને કોરોના વાયરસ સામે રક્ષણ આપવા માટે કોવિડ-19ની રસી લેવી જરૂરી બનાવી દીધી છે. પરંતુ અહેવાલ છે કે મુરલી બાયો બબલમાં પ્રવેશવા માંગતો નથી અને તેથી તે તમિલનાડુની ટીમ અને ટૂર્નામેન્ટથી દૂર છે તેમજ ક્રિકેટથી પણ દૂર છે.
અહેવાલ છે કે જો મુરલી કોરોના પ્રોટોકોલનું પાલન કરે છે તો પણ તેની ટીમમાં પસંદગીની કોઈ ગેરંટી નથી. કારણ કે 37 વર્ષીય ક્રિકેટરે બે વર્ષથી વધુ સમયથી કોઈ ઘરેલુ ટૂર્નામેન્ટ રમી નથી. મુરલી છેલ્લી બે આઈપીએલ સીઝન પણ ચૂકી ગયો હતો અને તેણે તેની છેલ્લી મેચ 2019માં કર્ણાટક સામે હોમ ટીમ તમિલનાડુ માટે રમી હતી. આ જ કારણ છે કે પસંદગીકારોએ તેમની બેઠકમાં તેના વિશે ચર્ચા પણ કરી ન હતી.
રાજકીય / ખોડલધામ પ્રમુખ નરેશ પટેલનું નિવેદન, આંદોલનકારીઓ પરથી કેસ પરત ખેંચવામાં આવે
પ્રેમ કરવાની સજા / મારા બનેવીએ મને બળજબરીથી પકડી કાતરથી મારા વાળ કાપી, મો કાળુ કર્યું હતું : સગીરાની ફરિયાદ
ભાવનગર / અલંગ શીપ યાર્ડમાં એન્ટિક વસ્તુઓનું વેચાણ, ખરીદી કરવા લોકો ઉમટ્યા
