ભારતનો પાસપોર્ટ હવે મજબૂત બન્યો છે. હેનલી પાસપોર્ટ ઈન્ડેક્સના રિપોર્ટ અનુસાર હવે સમગ્ર વિશ્વમાં ભારતીય પાસપોર્ટની કિંમત વધી ગઈ છે. 2022 ની સરખામણીમાં, તેના રેન્કિંગમાં પાંચ પોઈન્ટનો સુધારો જોવા મળ્યો છે. હવે ભારતનો પાસપોર્ટ 80માં સ્થાને છે. ભારતીય પાસપોર્ટ 57 દેશોમાં વિઝા વિના મુસાફરી કરવાની મંજૂરી આપે છે. ટોગો અને સેનેગલ દેશોએ પણ ભારતીય પાસપોર્ટ પર વિઝા ફ્રી એન્ટ્રીને મંજૂરી આપી છે. ત્યારથી રેન્કિંગમાં સુધારો થયો છે.
આપને જણાવી દઈએ કે જે દેશોમાં ભારતીય પાસપોર્ટ પર વિઝા ફ્રી અથવા વિઝા ઓન અરાઈવલની સુવિધા છે તેમાં ઈન્ડોનેશિયા, રવાન્ડા, થાઈલેન્ડ, જમૈકા, શ્રીલંકાનો સમાવેશ થાય છે. તે જ સમયે, વિશ્વના 177 દેશોમાં જવા માટે વિઝા જરૂરી છે. જેમાં ચીન, જાપાન, રશિયા, અમેરિકા અને યુરોપના દેશોનો સમાવેશ થાય છે.
જણાવી દઈએ કે તાજેતરમાં જ સિંગાપોરે પાસપોર્ટની તાકાતના મામલે જાપાનનું સ્થાન લીધું છે. હવે સિંગાપોરના પાસપોર્ટ પર વિશ્વના 192 દેશોમાં વિઝા ફ્રી એન્ટ્રી છે. જાપાન પાંચ વર્ષ સુધી ટોચ પર રહ્યું પરંતુ હવે તે ત્રીજા નંબરે પહોંચી ગયું છે. એક દાયકા સુધી, યુએસ પણ આ રેન્કિંગમાં ટોચ પર હતું, જોકે હવે અમેરિકા આઠમા સ્થાને છે. બ્રેક્ઝિટ બાદ યુકેનું રેન્કિંગ પણ નીચે આવ્યું અને તે ચોથા સ્થાને આવી ગયું. યાદીમાં સૌથી તળિયે અફઘાનિસ્તાન છે, જ્યાં માત્ર 27 દેશો વિઝા ફ્રી અથવા વિઝા ઓન અરાઈવલ સુવિધાઓ પ્રદાન કરે છે.
ડો. ક્રિશ્ચિયન એચ. કેલિન દ્વારા બનાવવામાં આવેલ હેનલી પાસપોર્ટ ઈન્ડેક્સ, ઈન્ટરનેશનલ એર ટ્રાન્સપોર્ટ ઓથોરિટી પાસેથી મળેલી માહિતીના આધારે રેન્કિંગ જારી કરે છે. આ અંતર્ગત 199 પાસપોર્ટ અને 227 ટ્રાવેલ ડેસ્ટિનેશન આવરી લેવામાં આવ્યા છે. જ્યારે પણ વિઝા નીતિમાં ફેરફાર થાય છે ત્યારે તે અપડેટ થાય છે.
આ પણ વાંચો:હિંડનબર્ગ રિપોર્ટ જાણીજોઈને અમારી પ્રતિષ્ઠાને નુકસાન પહોંચાડવાનો પ્રયાસઃ અદાણી
આ પણ વાંચો:નિફ્ટીએ રચ્યો ઈતિહાસ, પહેલીવાર આ સ્તરને પાર, સેન્સેક્સે પણ તોડ્યો રેકોર્ડ
આ પણ વાંચો:31 જુલાઇ પહેલા ટેક્સ પેયર્સ માટે નાણામંત્રીની મોટી જાહેરાત, સાંભળીને મધ્યમ વર્ગને રાહત
આ પણ વાંચો:પાન કાર્ડ બંધ હોવા છતાં આ વસ્તુઓ માટે કરી શકાય છે ટ્રાન્ઝેક્શન, જાણો સંપૂર્ણ વિગતો
