ક્રિકેટ આજે એક એવી રમત બની ગઇ છે, જેને વિશ્વનાં લગભગ તમામ દેશ પસંદ કરવા લાગ્યા છે. ક્રિકેટની રમતનો ઇતિહાસ જોઇએ તો પણ તમને ખ્યાલ આવી જશે કે આ રમત કેટલી જૂની અને કેટલી વિશેષ છે. આપને જણાવી દઇએ કે, આજે 28 માર્ચ પણ ક્રિકેટ ઇતિહાસમાં એક વિશેષ દિવસ છે.
28 માર્ચનાં દિવસે એવા ઘણા મોટા કારનામાઓ થઇ ચુક્યા છે કે, જેને ક્રિકેટ ચાહકો ભાગ્યે જ ભૂલી શકશે. અમે અહીં ક્રિકેટનો ઇતિહાસ કહી રહ્યા છીએ કારણ કે આ દિવસે 1955 થી કંઈકને કંઇક અનોખું બન્યું છે. ક્રિકેટ એ અનિશ્ચિતતાઓની રમત છે અને આ દિવસ તેને સારી રીતે સાબિત કરે છે. 28 માર્ચે ક્રિકેટ જગતને વિવ રિચર્ડ્સની ખાસ ઇનિંગ્સ જોઇ ત્યારે ન્યુઝીલેન્ડનો ટેસ્ટમાં સૌથી ઓછો સ્કોર પણ જોયો હતો. ભારતનાં મહાન ખેલાડી પોલી ઉમરીગરનાં જન્મથી લઈને રિકી પોન્ટિંગની કેપ્ટનશીપની અંત સુધી, 28 માર્ચે ક્રિકેટ જગતને ઘણું બતાવ્યું છે. આજે, અમે આવા ઘણા મહાન કારનામાઓને રજૂ કરી રહ્યા છીએ.
ક્રિકેટને લાગ્યું ગ્રહણ / સચિન તેંડુલકર બાદ યુસુફ પઠાણ પણ કોરોના સંક્રમિત
ક્રિકેટનો સૌથી નાનો સ્કોર
આજે પણ જ્યારે ક્રિકેટ એટલું સ્પર્ધાત્મક બની ગયું છે, ત્યારે 26 રનમાં ઓલ આઉટ થવાના ન્યૂઝિલેન્ડનાં શરમજનક રેકોર્ડને તોડવાની આશા રાખી શકાય તેમ નથી. ઈંગ્લેન્ડ વિરુદ્ધ ન્યૂઝિલેન્ડની ટીમ માત્ર 26 રનમાં ઓલઆઉટ થઈ ગઇ હતી, જે લેન હટનની છેલ્લી ટેસ્ટ પણ સાબિત થઇ હતી. આ મેચ ઓકલેન્ડમાં રમાઈ હતી જ્યાં ન્યૂઝીલેન્ડે પ્રથમ બેટિંગ કરી હતી અને તેની પ્રથમ ઇનિંગ 200 રનમાં ઓલઆઉટ થઈ ગઈ હતી. જેના જવાબમાં ઈંગ્લેન્ડે 246 રન બનાવ્યા હતા. ન્યૂઝીલેન્ડની ટીમ બીજી ઇનિંગ્સમાં ફક્ત 26 રન બનાવી શકી હતી અને ઈંગ્લેન્ડે ઇનિંગ્સ અને 20 રને મેચ જીતી લીધી હતી. આ ટેસ્ટ આજ સુધીનો ક્રિકેટનો સૌથી નાનો સ્કોર છે.
‘સિંહ’ ગર્જના / સચિન તેંડુલકરને કોરોના થવા પર કેવિન પીટરસને માર્યો ટોણો, યુવરાજ સિંહે આપ્યો જવાબ
વિવ રિચર્ડ્સની તોફાની બેટિંગ કરી મેચ ડ્રો
વિવ રિચર્ડ્સ ઘરમાં ઈંગ્લેન્ડ વિરુદ્ધ તેની પ્રથમ ટેસ્ટ રમી રહ્યા હતા જ્યાં તેમણે શાનદાર 114 રન બનાવ્યા હતા. વિવની ઇનિંગ્સ એટલી સારી હતી કે તેણે માત્ર બાઉન્ડ્રીથી 90 રન બનાવ્યા હતા. ઈંગ્લેન્ડે આ તોફાની બેટિંગનાં દમ પર મેચ ડ્રો કરવામાં સફળતા મેળવી હતી. આ મેચમાં જ્યોફ બોયકોટે તેની 20 મી ટેસ્ટ સદી પણ પૂરી કરી હતી. પરંતુ વિવની ઇનિંગ્સ દરેક પર ભારે પડી હતી.
હાર પર રાર / હાર્દિક પાસે બોલિંગ ન કરાવવાના કોહલીના નિર્ણય પર વીરેન્દ્ર સહેવાગે ઉઠાવ્યા સવાલ, જવાબથી સંતુષ્ટ નહીં
મલિંગાએ 4 બોલમાં ઝડપી 4 વિકેટ
શ્રીલંકાનાં ઝડપી બોલરે 2007 નાં વર્લ્ડ કપમાં દક્ષિણ આફ્રિકા સામે સતત ચાર બોલમાં ચાર વિકેટ ઝડપી હતી. 210 રનનાં લક્ષ્યાંકનો પીછો કરતા દક્ષિણ આફ્રિકાની પાંચ વિકેટ બાકી હતી. લસિથ મલિંગા 45 મી ઓવરમાં આવ્યો. તેણે પ્રથમ ધીમી ડિલિવરી સાથે શોન પોલોકને આઉટ કર્યો. પછીની બોલ પર એન્ડ્રુ હોલને યોર્કર નાખીને તેનો શિકાર બનાવ્યો. તે પછીની ઓવરમાં ચામિંડા વાસે માત્ર 1 રન જ આપ્યો. ત્યાર પછી મલિંગાએ જેક કાલિસને વિકેટકિપરનાં હાથે કેચ અપાવીને તેની હેટ્રિક પૂર્ણ કરી. પછીનાં બોલ પર, તેણે યોર્કર નાખીને મખાયા એનટીનીને ક્લીન બોલ્ડ કરી દીધો હતો. જો કે રોબિન પીટરસને રોમાંચક મેચમાં દક્ષિણ આફ્રિકાને જીત અપાવી હતી.
ક્રિકેટના ભગવાનને કોરોના / સચિન તેંડુલકરને થયો કોરોના, ટ્વિટ કરી આપી માહિતી
નાસીર ઈંગ્લેન્ડની ટીમનો પ્રખ્યાત કેપ્ટન સાબિત થયો
ઈંગ્લેન્ડનાં સૌથી સફળ અને હોંશિયાર કેપ્ટન પૈકીનાં એક, નાસિર હુસેનનો જન્મ 28 માર્ચ 1968 માં થયો હતો. જ્યારે નાશેરે ટીમનો હવાલો સંભાળ્યો ત્યારે ઈંગ્લેન્ડની સ્થિતિ ગંભીર રીતે ખરાબ હતી. હુસેને આવતા 18 મહિનામાં ટીમને બદલીને બતાવી. તેને માઇક બિયરલે સૌથી પ્રખ્યાત કેપ્ટન કરાર સાબિત કર્યો હતો. તેની કેપ્ટનશીપમાં નાસિર હુસેને ઈંગ્લેન્ડને ઓસ્ટ્રેલિયા સામે યાદગાર વિજય અપાવ્યો હતો. તેની હરકતોને ક્રિકેટ ચાહકો દ્વારા ખૂબ પસંદ કરવામાં આવી. હુસેન 2004 માં તમામ પ્રકારનાં ક્રિકેટ ફોર્મેટમાંથી નિવૃત્ત થયા હતા. હવે તે કોમેંટેટરની ભૂમિકા નિભાવી રહ્યો છે.
IND vs ENG / અંતિમ અને નિર્ણાયક મેચ આજે, પાછલી મેચની ભૂલ સુધારવા ઉતરશે ટીમ ઈન્ડિયા
પોલી ઉમરીગરનો જન્મ
28 માર્ચ 1926 નાં રોજ, ભારતનાં સર્વશ્રેષ્ઠ બેટ્સમેન પૈકીનાં એક, પોલી ઉમરીગરનો જન્મ થયો હતો. સામાન્ય રીતે ત્રણ કે પાંચ નંબર પર બેટિંગ કરનાર ઉમરીગર શાનદાર કટ એન્ડ ડ્રાઇવ માટે જાણીતા હતા. સુનિલ ગાવસ્કર પહેલા ઉમરીગરે બેટિંગને લઇને મોટાભાગનાં રેકોર્ડ ભારતીયોમાં પોતાના નામે કરી રાખ્યા હતા. ઉમરીગરે પાકિસ્તાન અને ઈંગ્લેન્ડ સામે ત્રણ બેક-ટૂ-બેક સદી ફટકારી હતી. તે એક સફળ મધ્યમ ઝડપી બોલર પણ હતો. ઉમરીગરે બોમ્બેને 1958–59 થી 1962–63 સુધી સતત પાંચ રણજી ટ્રોફીનો ખિતાબ અપાવ્યો હતો. પોલી ઉમરીગરે 2006 માં 80 વર્ષની ઉંમરે અંતિમ શ્વાસ લીધો હતો.
પોન્ટિંગે રાજીનામું આપ્યું
28 માર્ચ, 2011 નાં રોજ, રિકી પોન્ટિંગે ઓસ્ટ્રેલિયન કેપ્ટન પદેથી રાજીનામું આપ્યું હતું. પોન્ટિંગે 9 વર્ષ સુધી ઓસ્ટ્રેલિયાની કેપ્ટનશીપ સંભાળી અને તે વિશ્વનો સૌથી સફળ કેપ્ટન બન્યો હતો. 2011 નાં વર્લ્ડ કપનાં ક્વાર્ટર ફાઇનલમાં ટીમ ઇન્ડિયા સામે હાર્યા બાદ પોન્ટિંગે કેપ્ટનશિપ છોડવાનો નિર્ણય કર્યો હતો. પોન્ટિંગે 77 ટેસ્ટમાં ઓસ્ટ્રેલિયાનું નેતૃત્વ કર્યું હતું, જેમાંથી 48 માં વિજય મેળવ્યો હતો. આ વિશ્વની સૌથી વધુ ટેસ્ટ જીતવાનો રેકોર્ડ છે. આ ઉપરાંત, પોન્ટિંગે 228 વનડેમાં કાંગારૂઓની આગેવાની કરી હતી અને 2003 અને 2007 વર્લ્ડ કપ સહિત 164 મેચો જીતી હતી.
મંતવ્ય ન્યૂઝ દ્વારા જાહેર અપીલ –
નાગરીકોની શિસ્તબધ્ધતા અને તંત્રની અથાગ મહેનતનાં કારણે ગુજરાતમાં કોરોના નામશેષ થવાનાં આરે પહોંચી ચૂક્યો છે. ગાફેલ રહેવાની બીલકુલ જરુર નથી કારણ કે કોરોનાની સંપૂર્ણ નાબૂદીમાં હજુ થોડો સમય લાગશે. જો કે, ગુજરાતનાં આ સદનસીબ છે કે કોરોનાની ચાલ મંદી પડી છે, બાકી વિશ્વનાં અનેક દેશમાં આજે પણ કોરોના કહેર વર્તાવી જ રહ્યો છે. આવા સમયે અમે મંતવ્ય ન્યૂઝ તમામ નાગરીકોને અપીલ કરીએ છીએ કે, કોરોનાથી ડરવાની નહીં, પરંતુ સંયમ સાથે વર્તવાની જરુર છે અને જે આપણે કરી પણ બતાવ્યું છે. છતા પણ બને તેટલો જાહેર સંપર્ક ટાળો, કોરોના માર્ગદર્શીકા અને સરકારનાં સૂચનોનું ચુસ્તપણે પાલન કરો અને સ્વજનોને પણ કરાવો. આ કાળમાં તકેદારીએ જ સ્વસ્થ્ય હોય, ચાલો સંયમ સાથે નિયમોનું પાલન કરી એક જાગૃત નાગરીકની ફરજ બજાવીએ…
